Аудан әкімдігінің үлкен мәжіліс залында аудан активінің қатысуымен жиын өтіп, ауданның жаңа прокуроры таныстырылды. Атырау облысы прокурорының орынбасары Арман Мұқанбетқалиев, Қазақстан Республикасы Бас Прокурорының бұйрығымен ротациялау тәртібі негізінде Тұрғанов Аслан Тұрғанұлын  Құрманғазы ауданының прокуроры болып тағайындалғанын хабарлады. Ол жаңа прокурордың  еңбек жолына тоқталып, құқық қорғау саласында жинақтаған мол тәжірибесі аудандағы заңдылықты қамтамасыз етуге, азаматтардың құқықтары мен заңды мүдделерін қорғауға өз үлесін қосатынына сенім білдірді. Өз кезегінде сөз алған Аслан Тұрғанұлы көрсетілген сенім үшін алғысын білдіріп, өзіне жүктелген міндеттің үлкен жауапкершілік екенін атап өтті.

Жиын барысында Атырау облысы прокурорының орынбасары Арман Мұқанбетқалиев 2024 жылдан бері Құрманғазы ауданының прокуроры қызметін атқарған Абзал Смағұлұлы Сахиевқа заңдылық пен қоғамдық тәртіпті қамтамасыз етуге қосқан үлесі және жергілікті атқарушы органдармен қалыптастырған нәтижелі ынтымақтастығы үшін алғысын білдірді. Аудан әкімі Абат Жанғалиев сөз сөйлеп, Абзал Смағұлұлының аудандағы қызметіне жоғары баға беріп, Алғыс хатын ұсынды. 
Сондай-ақ аудан басшысы жаңадан тағайындалған Аслан Тұрғанұлына жауапты қызметінде табыс тілеп, ауданның құқықтық тұрақтылығы мен қоғамдық қауіпсіздігін қамтамасыз ету бағытындағы жұмысына сәттілік тіледі.
Жиында аудандық мәслихат төрағасы Гүлжаннат Қалиева, Құрманғазы ауылдық округінің әкімі Абдуррахман Муса сөз сөйлеп, Абзал Сахиевқа атқарған жемісті еңбегі үшін ризашылықтарын білдіріп, өңірге келіп жатқан жаңа прокурордың алдағы қызметіне сәттілік тіледі.
Ауданда - жаңа прокурор

Аудан әкімдігінің үлкен мәжіліс залында аудан активінің қатысуымен жиын өтіп, ауданның жаңа прокуроры таныстырылды. Атырау облысы прокурорының орынбасары Арман Мұқанбетқалиев, Қазақстан Республикасы Бас Прокурорының бұйрығымен ротациялау тәртібі негізінде Тұрғанов Аслан Тұрғанұлын  Құрманғазы ауданының прокуроры болып тағайындалғанын хабарлады. Ол жаңа прокурордың  еңбек жолына тоқталып, құқық қорғау саласында жинақтаған мол тәжірибесі аудандағы заңдылықты қамтамасыз етуге, азаматтардың құқықтары мен заңды мүдделерін қорғауға өз үлесін қосатынына сенім білдірді. Өз кезегінде сөз алған Аслан Тұрғанұлы көрсетілген сенім үшін алғысын білдіріп, өзіне жүктелген міндеттің үлкен жауапкершілік екенін атап өтті.

Жиын барысында Атырау облысы прокурорының орынбасары Арман Мұқанбетқалиев 2024 жылдан бері Құрманғазы ауданының прокуроры қызметін атқарған Абзал Смағұлұлы Сахиевқа заңдылық пен қоғамдық тәртіпті қамтамасыз етуге қосқан үлесі және жергілікті атқарушы органдармен қалыптастырған нәтижелі ынтымақтастығы үшін алғысын білдірді. Аудан әкімі Абат Жанғалиев сөз сөйлеп, Абзал Смағұлұлының аудандағы қызметіне жоғары баға беріп, естелік сый-сияпатын ұсынды. 
Сондай-ақ аудан басшысы жаңадан тағайындалған Аслан Тұрғанұлына жауапты қызметінде табыс тілеп, ауданның құқықтық тұрақтылығы мен қоғамдық қауіпсіздігін қамтамасыз ету бағытындағы жұмысына сәттілік тіледі.
Жиында аудандық мәслихат төрағасы Гүлжаннат Қалиева, Құрманғазы ауылдық округінің әкімі Абдуррахман Муса сөз сөйлеп, Абзал Сахиевқа атқарған жемісті еңбегі үшін ризашылықтарын білдіріп, өңірге келіп жатқан жаңа прокурордың алдағы қызметіне сәттілік тіледі.
Аслан Тұрғанұлы прокуратура органдарында 2007 жылдың наурыз айынан бастап Атырау облысы Жылыой, Исатай аудандары, Атырау қаласы прокурорларының көмекшісі, аға көмекшісі, Исатай ауданы прокурорының орынбасары, жасырын тергеу әрекеттерінің заңдылығын қадағалау жөніндегі облыс прокурорының көмекшісі, ішкі қауіпсіздікті қамтамасыз ету бойынша Атырау облыс прокурорының аға көмекшісі қызметтерін атқарған.
2023 жылдың мамыр айынан бастап күні бүгінге дейін Атырау облысы Исатай ауданының прокуроры қызметін атқарды.
Өз тілшіміз

Қоғамдағы өзекті мәселелерді шешуде үкіметтік емес ұйымдардың рөлі жыл сайын артып келеді. Азаматтық бастамаларды қолдау, қоғамға пайдасын тигізетін іспен айналысу бүгінде маңызды міндеттердің біріне айналды. Осы бағыттағы өзара іс-қимылдың жай-күйі мен алдағы міндеттер аудан әкімі жанындағы үкіметтік емес ұйымдармен қарым-қатынас жасау жөніндегі кеңес отырысында жан-жақты қаралды. Ауданда тіркелген ҮЕҰ-дың жыл сайын уақтылы дерекқорға  өз есептерін тапсыру, олардың атқарған жұмыстары туралы мәселе күн тәртібіне шығарылды. Кеңес төрағасы Қайрат Бөлеков аталған мәселелер бойынша баяндама жасау үшін хабарламашыларға сөз берді. Аудада 9 ҮЕҰ тіркелген. Іс жүзінде олардың аз ғана бөлігі жұмыс жасап отыр. Сондықтан аудандық ішкі саясат бөлімінің басшысы Мерей Әжігереев олардың белсенділігін арттыру, мемлекеттік әлеуметтік тапсырыс аясында жүзеге асырылатын жобаларға қатысу қажеттігін айтып, өз тараптарынан әдістемелік көмектер үнемі көрсетілетінін жеткізді. «Құрманғазы-туған жер» қоғамдық қорының төрағасы Азамат Абдуллаев бүгінде тұрақты түрде жолға қойылып, тұрғындардың сұранысына ие болып отырған жарқын жобаларына тоқталып, проблемалық мәселесін де қозғап алдағы жоспарларымен бөлісті. «Елім саған аманат» қоғамдық қорының төрағасы Серік Баязитов үкіметтік емес ұйымның жұмысын жандандыру үшін әлі де білімін кеңейтіп, түрлі оқуларға қатысып жүргендігін айтты. Комиссия төрағасы Қайрат Қуандықұлы, кеңесті қорытындылап, мемлекеттік органдар мен үкіметтік емес ұйымдар арасындағы өзара ынтымақтастықты одан әрі нығайтудың маңыздылығын атап өтті.

«Даму» кәсіпкерлікті дамыту қоры, Атырау облыстық кәсіпкерлік және өнеркәсіп басқармасы, аудан әкімдігі, аудандық кәсіпкерлік және ауыл шаруашылығы бөлімінің ұйымдастыруымен аудан әкімдігінде округ әкімдері, бөлім, мекеме басшылары, жеке кәсіпкерлер, шаруа қожалықтары иелері, БАҚ өкілдері қатысқан үлкен кездесу өтті. Мақсаты – шағын бизнесті мемлекеттік қолдау шаралары бойынша бағдарламаларды түсіндіру, ауылдық жерде несиелендіру арқылы кәсіпкерлікті дамыту, осы бағытта толғандырып жүрген мәселелерді тыңдау және шешу жолдарын қарастыру. Кездесуді аудан әкімінің орынбасары Қайрат Бөлеков ашып, ауданымызға ат басын бұрған «Даму» кәсіпкерлікті дамыту қоры мобильді фронт офисінің құрамын таныстырды.

​Сөз кезегі мобильді фронт офисі құраманың мүшелеріне беріліп, Атырау облысы кәсіпкерлік және өнеркәсіп басқамасы кәсіпкерлікті қолдау бөлімінің бас маманы Бибігүл Тоғызова әлеуметтік кәсіпкерліктің төрт санаты, мемлекеттік гранттар, «Бизнес Аймақ», «Атырау өнім» жобалары жайлы слайд арқылы қатысушыларды хабардар етті. «Даму» кәсіпкерлікті дамыту қоры Атырау облысы бойынша аймақтық филиалының директоры Берік Қадыров, аталған филиалдың бағдарламаларды насихаттау бөлімінің бас маманы Арайлым Байрова шағын бизнесті қолдаудың жаңа тетіктеріне, берілетін субсидияларға, жеңілдетілген қаржыландыру бағдарламаларына тоқталды. Облыстық ауыл шаруашылығы және жер қатынастары басқармасының мал шаруашылығын дамыту бөлімінің бас маманы Дулат Аралбай, облыстық дене шынықтыру, спорт және туризм басқармасының «Visit Atyrau» туристік ақпараттық қамтамасыз ету бөлімінің басшысы Айгерім Ғиззатова, «Атырау» әлеуметтік-кәсіпкерлік корпорациясы» АҚ-ның мемлекеттік бағдарламалардың іске асырылуына мониторинг жүргізу жөніндегі бас менеджері Мейрамбек Ибрашов, «Аграрлық несие корпорациясы» АҚ облыстық филиалының бас маманы Дулат Атоллаұлы, «Freedom Bank» АҚ облыстық филиалының шағын және орта бизнес бойынша жетекші маманы Дәулет Мелисов, «Қазақстан Халық Банкі» АҚ облыстық филиалының шағын және орта бизнес бойынша маманы Нұрсая Болатқызы аз пайызды несиелер, субсидия бағыты және нормативтер, қажетті құжаттар, туризм саласында кәсіпкерлікті дамыту, кәсіпкерлікті қолдауға арналған жобалар мен  бағдарламалар  арқылы мал, техникалар мен құрал-жабдықтарды сатып алу жайлы слайд қолданып түсінік берді.

​Аудандық билер кеңесінің төрағасы, адвокат Ғизатолла Мүрсалиев кезінде кейбір кәсіпкерлер несие серіктестігінен үйлерін кепілге салып несие алғандарын, бірақ оны мерзімінен бұрын төлеп тастағанын жеткізді. Алайда, несие серіктестігінің тәртібіне сәйкес барлық қарыз алушылар несиелерін түгел  төлемейінше бүгінде сол кепіл қайтарылмай отыр. «Құбашев.Е» шаруа қожалығының басшысы Есболат Құбашев «Жайлау», «Кең дала», «Агробизнес», «Игілік» бағдарламаларының кейбір бөлімдерімен келіспейтінін алға тартты. Сонымен қатар қазір сырттан мал әкелу ауруға байланысты қиындап кеткендіктен «Игілік» бағдарламасы арқылы онымен айналысатын бір оператор және ветеринариялық кепіл керек керек деген ұсыныстарын ортаға салды. Үйді кепілге салғанда оны 60%-ға бағалайтынын, оған малды, жерді қосып алатынына қынжылыс білдірді. Жеке кәсіпкерлер, шаруа қожалығының иелері  Бержан Кенжебаев, Тілекқабыл Қарамалаев, Гауһар Болатбаева, Оразғали Алғаязов сұрақтар қойып, несие серіктестігінен ынтымақтастық жауапкершілікті алып тастау, мал бордақылауға, етке өткізгенде субсидия төлеу және басқа да ауыл шаруашылығын дамытуға қатысты өз ұсыныстарынайтып, мобильді фронт офисіне қатысушылардан қолданыстағы заңдарға өзгеріс енгізу үшін оларды жоғары жақтағы басшыларға жеткізулерін сұрады.Қойылған сұрақтарға қатысушылар тарапынан жауаптар қайтарылды. Аталған кездесуді  аудан әкімінің орынбасары Қайрат Бөлеков  қорытындылап, қатысушыларға ризашылығын білдіріп, айтылған ұсыныстар аяқсыз қалмай хаттамаға енгізіліп, «Даму» кәсіпкерлікті дамыту қорына жолданатынын қаперге берді.

Соңында «Даму» кәсіпкерлікті дамыту қоры мобильді фронт офисі кәсіпкерлер мен шаруа қожалықтары басшыларын түрлі мәселелерімен  жеке қабылдады.

Қанат ҒҰМАРОВ

С.Көшекбаев атындағы мәдениет үйінде ветеринария саласы қызметкерлерінің кәсіби мерекесіне орай салтанатты шара өтті. Құттықтау сөз сөйлеген аудан әкімі Абат Жанғалиевтің айтқанындай, ветеринария тек жануарларды емдеумен шектелмейді. Ол биотехнология, азық-түлік қауіпсіздігі, зооноздық аурулармен күрес, санитарлық бақылау, қоршаған ортаны қорғау сияқты бірнеше бағытты біріктіретін кешенді сала. Соңғы жылдары қоғам тарапынан бұл мамандыққа деген түсінік біршама өзгерді. Бұрын мал дәрігерін тек емдеуші маман ретінде қабылдасақ, бүгінде оларды эпидемиялық тұрақтылықтың күзетшісі, аграрлық саланың тірегі ретінде бағалай бастады. Құрманғазы ауданы сынды аграрлық аудандарда ветеринар мамандардың қызметі – күнделікті тіршіліктің маңызды бөлігі. Әрбір ауылдық округтегі мал басының жағдайы, індеттің алдын алу, екпе жұмыстарының сапасы осы мамандарға тікелей байланысты. Бұл – жай ғана ауыл шаруашылығы емес, ұлттық азық-түлік қауіпсіздігіне әсер ететін фактор. Аудан басшысы сол себепті қоғамда ветеринарларға деген сенім мен қолдауды күшейту қажеттігіне тоқталып, Алғыс хатымен бір топ мал дәрігерлерін марапаттады.
Аудандық мәслихат төрағасы Гүлжаннат Қалиева облыстық мәслихат төрағасының Алғыс хатын Сафон  ауылдық округінің ветеринариялық пункт малдәрігері Қанат Жолтаев,Асан ауылдық округінің ветеринариялық пункт малдәрігері Жасқанат Абзаловқа табыстады. Аудандық аумақтық инспекция басшысының міндетін атқарушы Саясат Жәнібеков, аудандық ветеринариялық станса басшысы Жеткеншек Ажгалиев құттықтау лебіздерін білдіріп, ҚР Ауыл шаруашылығы Министрлігі кәсіподақтарының салалық наградасы«Еңбек Даңкы »ІІІ дәрежелі төсбелгісімен үздік сала мамандарын ұлығылады. Сонымен қатар Атырау облысы  Ауыл шаруашылығы және жер қатынастары басқармасы, аудандық ветеринариялық инспекция басшысы, аудандық ветеринариялық станса мекемесінің Алғыс хаты ұсынылды. Салтанатты шарада С.Көшекбаев атындағы аудандық  мәдениет үйі әзірлеген концерттік бағдарлама тамашаланды. 
Айнагүл Күнұзаққызы

Ауылдық округте «Жасыл ел» жастар еңбек жасағы өз жұмысын бастады. Жасақ құрамындағы жастар туған өлкенің тазалығы мен көркеюіне өз үлестерін қосуға белсенді түрде кірісті.

Қазіргі таңда жасақ сарбаздары ауылдық округ аумағында абаттандыру, көгалдандыру және санитарлық тазалық жұмыстарын жүргізуде. Олар қоғамдық орындарды, көшелерді, саябақтар мен демалыс аймақтарын қоқыстан тазартып, жасыл желектерді күтіп-баптау, аумақтарды ретке келтіру жұмыстарын атқаруда.

«Жасыл ел» бағдарламасы жастарды еңбекке баулып қана қоймай, олардың қоршаған ортаға деген жауапкершілігін арттыруға, табиғатты аялауға және экологиялық мәдениетті қалыптастыруға бағытталған. Бұл бастама жастардың жазғы демалысын тиімді өткізуіне, еңбек тәжірибесін жинақтауына және қоғамға пайдалы іс атқаруына мүмкіндік береді.

Ауылдың тазалығы мен көркеюіне бағытталған бұл жұмыстар алдағы уақытта да жалғасын тауып, елді мекеннің экологиялық ахуалын жақсартуға өз үлесін қоспақ.

 🌿 “Таза Қазақстан" акциясының мақсаты- ауылымыздың  экологиялық жағдайын жақсарту, табиғатқа деген жауапкершілікті арттыру және қоршаған ортаны таза ұстау.
Көптоғай ауылдық округінде ұйымдастырылған сенбілікке округ әкімі аппаратының қызметкерлері мен ақылы қоғамдық қызметкерлер қатысты.

 Құрметті ата-аналар мен ауыл тұрғындары!

Қазақстан Республикасы Мемлекеттік қызмет туралы заңының 17 бабы 4 тармағына және Қазақстан Республикасы Мемлекеттік қызмет істері агентігінің Атырау облысы бойынша  департаментінің басшысы, Әдеп жөніндегі кеңес төрағасы Н.Еркебабевтың 2026 жылғы 30 маусымдағы келісім хаты негізінде, аудан әкімінің 2026 жылғы 30 маусымдағы №201-Ө өкіміне сәйкес конкурстық іріктеусіз 2026 жылдың 1 шілдесінен бастап Құрманғазы ауданының мәдениет, тілдерді дамыту, дене шынықтыру және спорт бөлімінің басшысы болып Бралиев Сұңғат Мұхамбетжанұлы тағайындалды.

Бралиев Сұңғат Мұхамбетжанұлы 1975 жылы 2 наурызда Атырау облысы(Гурьев), Теңіз ауданы, Киров селолық советінде дүниеге келген. Білімі жоғары, Батыс Қазақстан инновациялық-технологиялық университетін «Мәдени тынығу» мамандығы бойынша жоғары білім алған.

Еңбек жолы:
2000-2002 жылдары Киров селолық клубында музыкант болып бастаған.

2002-2013 Киров селолық клубының директоры.

2013-2022 Жаңаталап кулубы жанындағы «Зәмзәм Исмагулов атындағы» Халық театырының режиссеры.

2022 жылдан 2026 жылдың маусым айына дейін Жаңаталап ауылдық округі әкімі қызметін атқарып келді.

Құрманғазы ауданы әкімдігінің баспасөз қызметі.