Аудан тынысы

Ауданымыз сулы, нулы жерде орналасқан. Жеріміздің түгін тартсаң майы шықпағанымен, тер төккен жан несібесіз қалмайды. «Ерте қамданғанның есебі түгел», дегендей, биылғы көктем егін саламын дегендерге  тым  жайсыз бола қойған жоқ. Соны пайдаланып, 2024 жылы 52 шаруа қожалықтары мен тұрғындар  барлығы  601 гектар  жерге егін салды. Оның ішінде 191 гектары картоп, 186-сы көкөніс, 77-сі бақша өнімдері.

Бүгінгі қоғамда дәстүрлі және діни жат ағымдардың ара-жігін ажырата білудің маңызы аса жоғары. Діни сауаты болмаған адам адасуы әбден мүмкін.

20 шілде күні Құрманғазы ауданының Халыққа көмек көрсету орталығында республикалық «Жолда қабылдау» акциясының екінші күні жалғасын тапты.

Атырау облыстық сотының төрағасы Мұхтар Парменов  Құрманғазы аудандық  сотында округ әкімдерімен және медиаторлармен кездесті. Кездесуді аудан әкімі Абат Жанғалиев ашып, қатысушыларға туындап отырған мүмкіндікті босқа жібермей, өздерін толғантып жүрген сұрақтар, мәселелер болса ортаға салып отыруларын сұрады.

Аудандық сотта Құрманғазы аудандық сотында 1980-1987 жылдар аралығында халық судьясы, 1987-1988 жылдары сот төрағасы болып қызмет атқарған Мағзомов Махмеден Мағзомұлына ескерткіш тақта орнатылды.

Өр суы келгенде сай-сала толып, балықтардың уылдырық шашып, көбеюіне қолайлы болғанымен қазіргідей өзендегі су деңгейі төмендеген сәтте майда өскіндердің өміріне қауіп төнеді. Қайтқан сумен ірі балықтар үйреншікті айдынына қайта оралса, биыл өмірге кеген шабақтардың біразы бөлінген суда қалып қояды.

Енді санаулы күндерден кейін Париж-2024 жазғы Олимпиадасы басталады. Ашылу салтанаты 26 шілдеде, ал, жабылу рәсімі 11 тамызда өтеді. Спорттың 32 түрінен 329 медаль жиынтығы ойнатылады, олардың арасында жаңадан қосылған брейкинг болады. Дегенмен, Париждегі жазғы Олимпиада ойындары бейресми түрде 24 шілдеде, регби-7 және футболдан алғашқы матчтар өткен кезде басталады деп күтілуде.

Балаларды сапалы тамақтандыру өзекті мәселелердің бірі. Осы бағытта ата-аналардан шағымдар да түсіп жатады. Қазір каникул мезгілі болғанымен білім ұяларында болып жағдаймен танысқанның артықтығы жоқ. «Қысқы шанаңды жазда сайла», дегендей, алдағы оқу жылына дейін шешімін күткен мәселелер де бар шығар?

Балықшылардың кәсіби мерекесіне орай С.Көшекбаев атындағы мәдениет үйінде «Су маржанын игергендер» атты салтанатты шара ұйымдастырылды.