ҰЛТТЫҚ ҚҰНДЫЛЫҚТАРДЫ ДӘРІПТЕП, ҚОЛӨНЕР ДӘСТҮРІН ЖАҢҒЫРТУҒА БАҒЫТТАЛҒАН ЕРЕКШЕ ШАРА ӨТТІ. АУДАНДЫҚ АНАЛАР КЕҢЕСІ МЕН ОРТАЛЫҚ КІТАПХАНА БІРЛЕСІП ҰЙЫМДАСТЫРҒАН «ҚОЛӨНЕР – СЫРЛЫ ӨНЕР» АТТЫ АНАЛАРДЫҢ ҚОЛӨНЕР ФЕСТИВАЛІ ХАЛҚЫМЫЗДЫҢ БАЙ МҰРАСЫН НАСИХАТТАП, ШЕБЕР ІСМЕРЛЕРДІҢ ӨНЕРІН КӨПШІЛІККЕ ТАНЫСТЫРДЫ.

Атырау облысының әкімі Серік Жамбылұлы Шапкенов жұмыс сапарымен Сүйіндік ауылдық округінде болып, Азғыр өңірінің тұрғындарымен кездесті. Кездесуді аудандық мәслихаттың хатшысы Гүлжаннат Қалиева жүргізді. Сүйіндік мәдениет үйінде өткен жиында  аймақ басшысы Құрманғазы ауданның әлеуметтік-экономикалық дамуы бағытында атқарылып жатқан жұмыстардан хабардар етті.

С.Көшекбаев атындағы мәдениет үйінде аудандық ардагерлер кеңесі жанынан құрылған әжелер алқасының ұйымдастыруымен «Әжелер өнегесі тәлім-тәрбие көзі» атты шара өтті. Алдымен алқа жанынан құрылған әжелер мектебінің жетекшісі Зиба Баева немерелерімен сомдаған «Әже мейірімі» атты көрініс назарға ұсынылды. 

“Таза Қазақстан” акциясы аясында ақылы қоғамдық қызметкерлер апталық тазалық жұмысын жүргізді.

Аудандық жас туристер бекетінің ұйымдастыруымен «Өлкетану» үйірме оқушылары арасында халық жазушысы Әбу Сәрсенбаевтың туғанына 120 толуына орай «Өлмес жырдың иесі» атты көркемсөз оқу сайысы өткізілді.

“Таза Қазақстан” республикалық акциясы аясында Шортанбай ауылдық округінде сенбілік ұйымдастырылып, аумақты абаттандыру және тазалықты қамтамасыз ету бағытында бірқатар жұмыстар атқарылды.

Мемлекет басшысы биылғы жылды «Жұмысшы мамандықтар» жылы деп жариялады. Бұл қарапайым еңбек адамына көрсетілген үлкен құрметтің белгісі. 

Жемқорлық – қоғамның дамуына кедергі келтіретін ең басты мәселелердің бірі. Ол тек мемлекеттік органдарға ғана емес, тұрғындардың өмір сапасына да әсер етеді. Сарапшылардың айтуынша, сыбайлас жемқорлық халықтың билікке сенімін төмендетіп, әділдік сезімін әлсіретеді, ал жастар арасында заңға бағынбау үрдісін күшейтеді.

Қоғамда жемқорлыққа қарсы күрес тек заң арқылы емес, әр адамның саналы іс-әрекетімен жүзеге асады. Ашықтықты қолдау, заңсыз әрекеттерге жол бермеу және әділдікті насихаттау – қоғамның тазалығын сақтаудың негізгі қадамдары.
Белсенділік пен жауапкершілік артқан сайын жемқорлық азайып, қоғам әділ әрі сенімді болуға жақындайды.

Әділет ҚАНАТ

Президент жолдауында аграрлық секторды цифрландыру мен жаңа технологияларды енгізу басты басымдық ретінде айтылды. Сол бағыттың маңызды бөлігі — өсімдік аурулары мен зиянкестерді ерте анықтау. Бұл өнімділікті сақтап, шаруа еңбегінің зая кетпеуіне тікелей әсер етеді.

Қазіргі таңда мұны жүзеге асыруда жасанды интеллект үлкен мүмкіндік ұсынып отыр. Дрондар мен арнайы камералар алқаптарды түсіріп, AI сол суреттерді талдау арқылы жапырақтағы дақты, түс өзгерісін, зиянкестің ізін ерте кезеңде-ақ анықтайды. Бұл қауіптің таралу аумағын дәл көрсетіп, алдын алу шараларын уақытылы жүргізуге жағдай жасайды.
Осындай технологияны қолдану шығынды азайтып қана қоймай, дәріні тек қажетті аймаққа бағыттап шашуға мүмкіндік береді. Нәтижесінде өнім сапасы жақсарып, еңбек тиімділігі артады.
Жасанды интеллект — өсімдіктерді қорғаудағы тиімді құрал әрі ауыл шаруашылығының тұрақты дамуына жол ашатын шешім.

Руслан Сәуменов, 
ауыл шаруашылығы саласының ардагері

Президент Жолдауында еліміздің экономикалық өсімін тұрақты ұстап тұру үшін өнімділікті дәл болжау және жан-жақты талдау жүйелерін дамыту қажеттігі ерекше айтылды. Бүгінде бұл бағытта жасанды интеллекттің рөлі айрықша.

AI технологиялары өндіріс, ауыл шаруашылығы, қызмет көрсету және қаржы салаларында үлкен көлемдегі деректерді талдап, болашақ көрсеткіштерді дәлірек болжауға мүмкіндік береді. Соның нәтижесінде кәсіпорындар тәуекелді азайтып, тиімді шешім қабылдай алады.
Өнімділікті талдау мен болжаудың цифрлық модельдері ел экономикасын басқаруды жаңа деңгейге шығарып, ресурстарды дұрыс жоспарлауға жағдай жасайды. Сондықтан жасанды интеллектті кеңінен енгізу — бәсекеге қабілеттілікке бастайтын маңызды қадам.

Уазих Дәулетов, 
агроном