Аймақта

Атырауда блок бекеттер қойылмайды. Алайда, эпидемиологиялық жағдай нашарлап жатса, қосымша қатаң шектеулер енгізілуі мүмкін, деп хабарлайды Атырау облыстық коммуникациялар қызметі.

Облыстық екінші емхананың инфекциялық стационарына оттегі баллонын көтеріп, таситын ерікті ер жігіттер қажет.

Бұл туралы Атырау облыстық коронавируспен күрес жөніндегі жедел штаб хабарлайды. Барлық ниет білдірушілер міндетті түрде техника қауіпсіздігі мен эпидемиологияға қарсы қауіпсіздік бойынша дайындықтан өтеді.

Байланысу номері: +7778 4059321

Елімізде «Qoldau-24/7» мобилді қосымшасы іске қосылды, деп хабарлайды Атырау облыстық коммуникациялар қызметі.

Атырау облысы аумағында 27 наурыз бен 7 шілде аралығында симптомсыздарды қоса есептегенде COVID-19 расталған 6 156 жағдай тіркелген, деп хабарлайды Атырау облыстық коммуникациялар қызметі.

Атырау облысының әкімдігі «ФармҚауымдастық» қоғамдық бірлестігімен және Атырау облысы бойынша тауарлар мен көрсетілетін қызметтердің сапасы мен қауіпсіздігін бақылау департаментімен меморандумға қол қойды, деп хабарлайды Атырау облыстық коммуникациялар қызметі.

Ағымдағы жылғы 6 шілдеде сағат 12:15-те Атырау қаласының Береке шағын ауданында 1979 жылы туылған азамат А.У. Дүйсембиевтің жоғалып кеткендігі туралы хабарлама келіп түсті.

Жолдасының айтуы бойынша, 1 шілде күні сағат 22: 35-те жоғалып кеткен азамат үйден белгісіз бағытқа кетіп, қайтып оралмаған.

Қазіргі уақытта іздестіру жұмыстарын Атырау облысы ТЖД "Жедел-құтқару жасағының" 10 қызметкері, 2 бірлік техника және 1 кинологиялық есебі жүргізуде.

Егер сіз осы адамды көрсеңіз немесе ол туралы қандай да бір ақпарат болса, сізден "112" немесе 45-00-00 нөміріне қоңырау шалуыңызды сұраймыз.

Құрметті Атырау қаласының тұрғындары мен қонақтары!

Үйден шықпас бұрын, туған-туыстарыңызға қай жерге баратыныңызды және қайту уақыты туралы хабарлаңыз.

Мұндай жағдайда, егер оқыс оқиға орын алса, "жедел құтқару жасағы" тез арада іздестіруді бастай алады!

Бүгін Атырауға соңғы күндері дәріханаларда тапшы болып кеткен дәрі-дәрмектер тиеген арнайы жүк көлігі Алматы қаласынан жетті, - деп хабарлайды Атырау облыстық коммуникациялар қызметі. ⠀

Дәрілік препараттар қаладағы қоймалардың біріне түсірілді.

⠀ Атырау облысы әкімінің орынбасары Ержан Әбілханов:

«Бірнеше күн бұрын облыс әкімі Махамбет Досмұхамбетов дәрі тапшылығын жедел түрде шешуге қатысты тиісті тапсырма берген болатын. Соған сай, Алматыдан қажетті дәрі-дәрмектердің түрлерін шұғыл түрде жеткізілуін қамтамасыз еттік. Сонымен қатар, дәрілер дәріханаларға бұрынғы бағасымен беріледі. Ал дәріханалардың оларды қымбаттатып жібермеуі қатаң қадағаланады», -деді. ⠀

"INKAR" ЖШС Атырау филиалының директоры Светлана Липатованың айтуынша, дәрі-дәрмектің 430 түрі әкелінген. Оның 50 - ге жуығы қазір тапшы болып тұрған антибиотиктер, азитромицин, цефазолин, цефтриаксон және инъекцияға арналған лидокаин ерітіндісі сынды препараттар.

- Аса қажетті дәрі-дәрмектердің Алматы қаласынан жылдам жеткізілуіне қала әкімдігі логистика жағынан қолдау көрсетті. Әйтпесе, теміржолмен келер болса, өте көп уақытты алар еді. Әкелінген дәрілік өнімдер ертеңнен бастап облыс орталығынан өзге аудан орталықтарына да жеткізіледі. Бұл партия облыстың сұранысын қамтамасыз етеді деп айтуға болады,- дейді компания өкілдері. ⠀

Атырау облысының әкімдігі қажетті дәрі-дәрмектерді облыстың барлық дәріханаларына жеткізуді ұйымдастырып, бақылауында ұстайды.
⠀ Сондай-ақ, алдағы уақытта препараттардың бағасының белгіленген мөлшерден аспауын қадағалау және олардың әр адамға тиесілі мөлшерден артық сатылмауына қатысты облыс әкімдігі мен Атырау облысы фармацевтика саласында еңбек ететін жеке кәсіпкерлер мен заңды тұлғалардың қауымдастығы «ФармҚауымдастық» қоғамдық бірлестігі және ҚР Тауарлар мен көрсетілетін қызметтердің сапасы мен қауіпсіздігін бақылау комитетінің Атырау облысы бойынша тауарлар мен көрсетілетін қызметтердің сапасы мен қауіпсіздігін бақылау департаменті меморандумға қол қояды деп жоспарланып отыр.

Бірлік ықшам ауданы, АТП-1, АТП-2 мекен-жайындағы апатты деп танылған тұрғын үйлерден 32 отбасы Жұлдыз ықшам ауданына қоныс аударды – деп, хабарлайды Атырау облыстық коммуникациялар қызметі.

Қалалық тұрғын үй-коммуналдық шаруашылшығы бөлімінің мәліметіне сүйенсек, бүгінде апатты жағдайдағы тұрғын үйлер мен жатаханаларды көшіру жұмыстары кезең-кезеңімен сәтті іске асырылуда.

Мәселен, өткен жылы Құнанбаев №13 және Досмұхамбетов көшесіндегі 2 жатахана Береке ықшам ауданындағы жаңа үйлердің біріне көшірілсе, биыл 2 апатты үйдің тұрғындарына жаңа пәтер кілті табысталды.

Атап айтқанда, Әуезов №22 үй Жұлдыз ықшам ауданына, ал Достық №14 үй тұрғындары Береке ықшам ауданына көшірілді.

Мамандардың айтуынша, алдағы уақытта жоспардағы апатты деп танылған жатаханалар мен тұрғын үйлерді көшіру жұмыстары жалғасады.
Айта кетейік, баспанамен қамту, көшіру сынды шаралар т ұрғын үй құрылысының аяқт алуына қарай жүзеге асады.

«Армияда қылмысқа орын жоқ» бағдарламасы аясында және «Тәртіпсіздікке нөлдік төзімділік» принципін жүзеге асыру мақсатында, 2020 жылғы маусым айында Атырау гарнизоны Әскери полиция бөлімшесінің бастығы майор Бейбіт Касенов, «ҚР Сыбайлас жемқорлыққа қарсы іс-қимыл агенттігінің (сыбайлас жемқорлыққа қарсы қызмет) Атырау облысы бойынша Департаменті» басшысының орынбасары Айдос Мамыт, Батыс аймағы әскери прокурорының орынбасары әділет капитаны Ерлан Конаров және Атырау гарнизонның әскери бөлім командирлері мен мекеме басшыларының қатысуымен дөңгелек үстел өткізілді.
Кездесудің басты тақырыбы: әскери қызметшілер арасында сыбайлас жемқорлыққа қарсы іс – қимыл туралы заңды қатаң сақтауды, қызметтік этиканы ұстауды, адамдардың сыбайлас жемқорлық тәуекелдерін алдын алу, мемлекеттік қызметке нұқсан келтіретін тәртіптік теріс қылықтарды және әкімшілік сыбайлас жемқорлық құқық бұзушылықтарды болдырмау болды!

Құқық қорғау органдарының басшылары өз кезегімен сөз алып, әскери қызметшілерге адалдық пен парасаттылықты көрсетуді және сыбайлас жемқорлықты болдырмау үшін сыбайлас жемқорлыққа қарсы іс – қимыл туралы заңнаманың талаптарын сақтауға шақырды. ​

Сонымен бірге, Атырау гарнизонның әскери бөлім командирлері мен мекеме басшыларына 2020 жылғы өткен кезеңінде пара алу дерегімен ұсталынған және әскери қызметшілермен жасалынған қылмыстық әрекеттер бойынша соттардың үкімдері жан – жақты жеткізді!

 
Бактияр Дауренкулов,

Атырау гарнизоны әскери полиция бөлімшесінің (әкімшілік тәжірибе) офицері әділет капитаны 

Ақпарат және қоғамдық даму министрлігі 2020 жылғы 1 шілдеден бастап ҮЕҰ-ға арналған сыйлықақыны беру үшін өтінімдерді қабылдайды.