Құрманғазы ауданында өтіп жатқан Lotus Fest фестивалі аясында Lotus RUN марафоны ұйымдастырылды.

Атыраудағы №4 балалар-жасөспірімдер спорт мектебінде таэквандо бөліміне 140 бала қатысады. Жаттығулар жас ерекшелігіне қарай ұйымдастырылып, 9–14 жас аралығындағы спортшылар арнайы топтарда дайындалады. Қазір олар Ақтау қаласында өтетін республикалық ашық турнирге қызу әзірленуде.

Comic Con Astana 2026 бағдарламасы аясында халықаралық косплей байқауы өтеді. Қатысушылардың жұмысын косплей индустриясының танымал өкілдері мен халықаралық байқаулардың жеңімпаздарынан құралған халықаралық қазылар алқасы бағалайды, деп хабарлайды Астана әкімдігінің ресми сайты.

Алматыда шахматтан екі бірдей ірі халықаралық жарыс жалауын көтерді: FIDE World University Team Chess Championship финалы және Қазақстан мен әлемнің жасөспірімдер құрамалары арасындағы матч.

Атырауда жазғы кештерді мазмұнды әрі көңілді өткізуге бағытталған мәдени жоба өз жалғасын тапты. Облыстық халық шығармашылығы орталығының ұйымдастыруымен Салтанат сарайының алаңында өткен «SOL BIR KESH» мәдени-демалыс кештері қала тұрғындары мен қонақтарына көтеріңкі көңіл күй сыйлады.

Атырау облысы Дене шынықтыру, спорт және туризм басқармасының қолдауымен, Қоғамдық денсаулық сақтау институтының ұйымдастыруымен жүзеге асырылып жатқан «Заң мен тәртіп» тұжырымдамасы аясындағы «Спорт нашақорлыққа қарсы!» ұранымен өткізілетін «Аула чемпиондары – 2026» жобасы аясында 2026 жылғы 30 шілде күні сағат 18:00-де Нұрсая ықшам ауданы, 58 үйдің спорт алаңында жасөспірімдер арасында спорттық жарыстар ұйымдастырылды.

Іс-шара барысында қатысушылар арқан тарту, ләңгі тебу, гір тасын көтеру және эстафеталық ойындар бойынша өзара бақ сынасып, ептілігі мен күш-жігерін көрсетті. Жарыстар жасөспірімдердің салауатты өмір салтын ұстануына, спортқа деген қызығушылығын арттыруға және бос уақытын тиімді өткізуіне бағытталды.

Сонымен қатар, балалардың көтеріңкі көңіл күйін қалыптастыру және мерекелік атмосфера сыйлау мақсатында аквагрим ұйымдастырылып, бүлдіршіндер ерекше әсерге бөленді.

Жарыс қорытындысы бойынша үздік нәтиже көрсеткен қатысушылар дипломдармен, медальдармен және арнайы сыйлықтармен марапатталды.

Сағыз ауылында заманауи стадионның құрылысы аяқталды. Жаңа кешенді күзде ашу жоспарлануда,- деп хабарлайды Өңірлік коммуникациялар қызметі.

Жалпы аумағы 6 гектарды құрайтын кешеннің айналасы толық абаттандырылып, қоршаумен қоршалған. Мұнда тұрғындардың спортпен еркін айналысуына әрі түрлі деңгейдегі жарыстарды өткізуге барлық қажетті жағдай жасалған.

Кешен аумағында заманауи талаптарға сай үлкен футбол алаңы салынды. Сондай-ақ 135 орынға арналған көрермендер трибунасы орнатылып, жаяу жүргіншілер жолдары, автотұрақ пен қызмет көрсету алаңдары қарастырылған. Аумақ көгалдандырылып, сыртқы жарықтандыру жүйесі жүргізілген. Бұдан бөлек, инженерлік-коммуникациялық желілер толық тартылған.

Жаңа стадион ауыл жастарының бос уақытын тиімді өткізуіне, тұрғындардың тұрақты түрде дене шынықтырумен айналысуына мүмкіндік береді. Сонымен қатар мұнда ауылдық, аудандық және өңірлік деңгейдегі спорттық жарыстар өткізіліп, жас спортшылардың шеберлігін шыңдауға қолайлы жағдай жасалмақ.

Мамандардың айтуынша, бұл нысан ауылдың әлеуметтік инфрақұрылымын дамытуға серпін беріп, тұрғындардың өмір сүру сапасын арттыруға оң ықпал етеді.

Саммит бағдарламасы аясында фиджитал спортты дамыту, халықаралық серіктестікті нығайту, цифрлық технологиялар, инновациялар және спорт индустриясының болашағына арналған панельдік сессиялар өтеді.

Ақмола облысы Қосшы қаласының 5 жылдық мерейтойына арналған «Толағай» алыптар сайысында Атырау облысы Төтенше жағдайлар департаментінің Құрманғазы ауданы ТЖБ №7 өрт сөндіру бөлімінің бөлімше командирі азаматтық қорғау  аға сержанты пауэрлифтингтен спорт шебері Ерсейіт Бралин жүлделі ІІ орынды жеңіп алды.

Еліміздің 12 қаласынан қатысқан  мықтылар күрделі кезеңдер бойынша сынға түсті. Сайыс ережесіне сәйкес олар 1 минут ішінде тасты көтеріп жүру, салмағы 10 келілік найзаны қашықтыққа лақтыру, 100 келілік серке муляжын көтеріп белгіленген уақыт ішінде қашықтыққа жүгіру және салмағы 110 келілік бөренені көтеру сияқты күрделі кезеңдерден өтті.

Барлық сыннан сүрінбей өткен Атырау облысы Төтенше жағдайлар департаментінің қызметкері Ерсейіт Бралин жоғары нәтиже көрсетіп, тартысты дода қорытындысында жүлделі ІІ орынға ие болды.

Бұл жетістік – Атырау облысы Төтенше жағдайлар департаменті қызметкерлерінің жоғары кәсіби және физикалық дайындығының жарқын көрінісі. Ерсейіт Бралиннің жеңісі әріптестеріне үлгі болып, өңір абыройын республикалық деңгейде тағы бір мәрте асқақтатты.

Нысанды биыл тамыз айында пайдалануға беру жоспарланып отыр. Мұнда тұрғындар кроссфит, дзюдо, таэквондо, еркін күрес және бокс секцияларына қатысып, спортпен жүйелі түрде шұғылдана алады.

Құрылыс жұмыстары былтыр 1 мамырында басталған. Жалпы ғимараттың аумағы – 1853,64 шаршы метр. Спорт зал заманауи талаптарға сай салынып, қажетті спорттық құрал-жабдықтармен толық қамтамасыз етілген. Мұнда жаттығу залдары, киім ауыстыратын бөлмелер, жуыну орындары, жаттықтырушылар кабинеті мен қосалқы техникалық бөлмелер қарастырылған. Қазір нысанды соңғы әрлеу және абаттандыру жұмыстары аяқталу кезеңінде.

Жобаның мердігер мекемесі – «Vek-Stroy-Com» ЖШС. Жаңа спорт залдарының ашылуы қала тұрғындары үшін бұқаралық спортты дамытуға, балалар мен жасөспірімдердің бос уақытын тиімді ұйымдастыруға және спортпен тұрақты айналысуына қолайлы жағдай жасайды. Сонымен қатар мұнда түрлі деңгейдегі жарыстар мен оқу-жаттығу жиындарын өткізуге мүмкіндік болады.