Саяcат

Бас прокурордың орынбасары Ерлік Кененбаев Жамбыл облысы Сортөбе ауылында полицияға бағынбаған 3 тұрғын 1,5 жылға сотталғанын айтты, деп хабарлайды Tengrinews.kz тілшісі.

Қазақстан Республикасында төтенше жағдай енгізілді. Бұл туралы Жарлыққа ҚР Президенті қол қойды, деп хабарлайды Ақорданың баспасөз қызметі. «ҚазАқпарат» ХАА оқырман назарына құжат мәтінін ұсынады.

Қазақстан Республикасында төтенше жағдайдың жариялануына байланысты азық-түлік дүкендері мен базарлар жұмысын тоқтата ма? Бұл сұраққа Сауда және интеграция министрлігі жауап берді, деп хабарлайды ҚазАқпарат тілшісі.

«Nur Otan» партиясы төрағасының Бірінші орынбасары Бауыржан Байбек жұмыс сапарымен Атырау облысына келді. Аймаққа жасалған бұл сапардың негізгі мақсаты – өңірдің жай-күйімен танысу, қарапайым тұрғындармен кездесу арқылы жергілікті тұрғындарды толғандырып жүрген нақты мәселелерді анықтап, соларды шешуге атсалысу және жұртшылықты партияның алдағы жоспарларымен кеңінен таныстыру болды.

Алматы облысында достарына қалыңдық алып қашамыз деп бастары дауға қалған төрт ауылдасқа қатысты сот шешімі шығып, олардың ұзақ мерзімге бас бостандығы шектелді, деп хабарлайды ҚазАқпарат тілшісі.

Алматы облыстық Полиция департаменті баспасөз қызметінің мәліметінше, оқиға 2019 жылдың мамыр айында болған. Сарқан ауданының 22 жастағы тұрғыны үйлену мақсатында өзінің ескі танысын алып қашуды жоспарлаған.

Алып қашу операциясына ауылдас достарын шақырған. Барлығы қалыңдықтың келісімімен іске асатынына сенімді достары оған қарсы бомааған.

Дегенмен, Сарқан қаласынан қалыңдықты алып қашу барысында қыз бен үйленуші жігіттің арасында ешқандай сөз байласудың жоқ екені белгілі болады. Шаңырақ көтеруге асыққан достары қалыңдығын жеткізіп беріп, өздері үйлеріне кетеді. Еркінен тыс әкелген қалыңдықты жергілікті учаскелік полиция инспекторы құтқарып, үйіне аман-есен жеткізген.

«Сарқан ауданының полициясына еркінен тыс адам ұрлау дерегі бойынша хабар түсті. Айтқан уәждерін тыңдамаған жігіттердің жібермейтінін түсінген қалыңдық амалын тауып, ішкі істер органдарына хабар береді. Зардап шегуші тарапынан полицияға арыз түсті. Дерек бойынша ҚР Қылмыстық кодекстің 125-бабына сәйкес іс қозғалып, қылмыстың мән-жайы анықталды»,- деп хабарлады облыстық ПД баспасөз қызметі.

Жақында Сарқан ауданының соты «сүйіктісін» алып қашқан әрекеті сәтсіз шыққан 22 жастағы тұрғын мен оның заңсыз әрекетіне қолдау берген үш досы қылмыс жасағандығы үшін кінәлі деп танылып, жеті жыл бас бостандығын шектеу жазасына кесілді.

Сот шешімі заңды күшіне енді.

inform.kz 

ҚР Сыбайлас жемқорлыққа қарсы іс-қимыл агенттігі Тергеу комитетінің бас тергеушісі Данияр Бекайдаровтың айтуынша, жемқорлардың әрекетінен 2019 жылы мемлекетке 5 млрд теңге залал келтірілген, деп хабарлайды ҚазАқпарат тілшісі.

«Жекелеген теріс пиғылды лауазымды адамдар көрсеткен сенімді жеке пайда табу мақсатында мемлекет пен қоғамның мүдделеріне қайшы пайдалана отырып, бюджет қаражатын жымқыруда. Мұндай іс-әрекеттердің салдары ұлттың денсаулығына, болашағына, қоршаған ортаға жеке заңды тұлғалардың және мемлекеттің заңды мүдделеріне қауіп төндіреді. Олардың әрекеттері орасан зор экономикалық зиян келтіріп, дамуды тежейді. Статистикалық мәліметтерге сәйкес, 2019 жылы сыбайлас жемқорлыққа қарсы қызмет өндірісінде жемқорлық фактілері бойынша 455 қылмыстық іс тергеуде болған. Олардың 319-ы сыбайлас жемқорлық бойынша тіркелген. 235 іс аяқталып, 192-і сотқа жолданды», - деді Данияр Бекайдаров агенттікте өткен баспасөз мәслихатында.

Оның айтуына қарағанда, осы қылмыстар бойынша мемлекетке келтірілген залал сомасы – 5 млрд теңгені құрайды.

«Қазіргі уақытқа дейін 4 млрд теңгедей сома бюджетке қайтарылды. Қазіргі кезде жүздеген миллион теңгеге қатысты істер тергелуде. Жемқорлық фактілердің көбі тендерлерді бөлумен, шарттарды заңсыз жасаумен, жұмыстың орындалғаны туралы жалған актілермен, жалақы мен іссапар шығындарын заңсыз есептеумен байланысты», - деді ол.

inform.kz