Атырау қаласында дойбыдан жасөспірімдер арасында облыстық жекелей біріншілік өтті.

Біріншілікке ауданнан 6 спортшы қатысып, жарыс қорытындысы бойынша қыздар арасында Бегалиев атындағы жалпы орта мектебінің 2 сынып оқушысы Есенғұл Амира, Ломоносов атындағы жалпы орта мектебінің 6 сынып оқушысы Сағынжан Жанерке ІІ орынға ие болды.

Ұлдар арасында Бегалиев атындағы жалпы орта мектебінің 2 сынып оқушысы Елеусин Ерасыл жеңімпаз атанса, Абай атындағы жалпы орта мектебінің 6 сынып оқушысы Қабдулла Нұрдаулет ІІІ орынды місе тұтты.

Балғындарды жарысқа дайындаған Бегалиев атындағы орта мектебінің мұғалімі Қабиев Бекжан.

Айнагүл Шакупова