Тәуелсіздік күніне орай «Азаматтарға арналған үкімет» Атырау облысы филиалы ұжымы 5 түрлі спорт түрінен спартакиада ұйымдастырды.
Волейбол, футбол, үстел теннисі, шахмат сынды спорт түрлеріне қызығушылық танытушылар қатары көп болды. Бұл жолы ұлттық ойынымыз – «Садақ атуға» қатысуға ниеттілер саны көптігі де көңілге қуаныш ұялатты.
Тартысты додада өзгелерден оза шапқан жеңімпаздар түрлі марапаттарға ие болды. Айта кеткен лазым, демеушілер ішінде «Мемлекеттік қызмет көрсету саласындағы қызметкерлердің жергілікті кәсіптік одағы» ҚБ бастауыш кәсіподақ ұйымы да бар.
