Бірлік ауылының тумасы Мерген Ғаниев шығыс жекпе-жегінің бір түрі – таэквондодан табысты өнер көрсетіп жүрген жастарымыздың бірі. Жасөспірім кезінен елішілік жарыстарда топ жарып, Еуропаның ашық чемпионатының күміс жүлдегері, Азия біріншілігінің қола жүлдегері атанды. Ересектер арасында да көптеген турнирлерге қатысып жеңімпаздар қатарынан көрінді.
Ел намысын қорғап жүрген Мерген жақында Оңтүстік Корея елінде жалауы желбірген халықаралық әлем ойындарында тағы да тамаша жетістікке жетті. Әлемнің кіл мықтылары жиылған турнирдің жекелей сынында күміс медальды еншілесе, командалық жарыста қола медальды қанжығасына байлады.
