Волейболдан желілік спартакиаданың аймақтық кезеңі қызу ойындарға толы өтуде.
– Қыздар арасындағы ойынға алғашқы қатысуымыз. Бүгін алғашқы ойыннан-ақ қарсыласқа дес бермедік. Демек, бізде ілгерілеу бар. Соған қуаныштымыз, – дейді Ақтөбедегі NIS оқушысы Жанель Әділғазина.
Ал, Атыраулықтар бүгін ерледі. Ұлдармен қатар, қыздар командасы да ешкімге есе жібермеді. – Биыл спартакиада мектебімізде өтіп жатыр, қарсылас топ – қонағымыз. Бәрін сыйлаймыз, құрметтейміз. Дегенмен, жеңіс тұғырына әділ ойын арқылы өзіміз жайғасқымыз келеді, – дейді Атыраудағы NIS оқушысы Ибрагим Жұбанов.
Бүгінгі күн нәтижесі бойынша, Атыраудың ұлдар командасында – 5, Ақтаулықтарда – 4, ал Ақтөбе қаласының спортшы ұлдарында – 3 ұпай.
Ал, қыздар арасындағы тартыста Атырау мен Ақтөбелік қыздар тең ұпаймен көш бастап келе жатыр.
