Бүгін Атырауға еркін күрестен әлем чемпионы Ризабек Айтмұхан келді.

Әлем чемпионын облыстық дене шынықтыру, спорт және туризм басқармасының басшысы Дастанбек Қоспанов, облыстық грек-рим, еркін және әйелдер күресі федерациясының президенті Арман Тоғаев, сондай-ақ жергілікті спорт мекемелерінің басшылары мен жас спортшылар ерекше ықыласпен күтіп алды.

– Қазақ халқына ерекше алғыс білдіргім келеді. Сезімімді сөзбен айтып жеткізу қиын. Артта қалған қиындықтың барлығын енді ғана сезіне бастағандаймын. Бұған дейін атыраулық спорт сүйер азаматтар шақырған болатын. Сәті бүгін түсіп, келіп қалдым. Өзім секілді спортшыларға, менің өкшемді басып келе жатқан жас жеткіншектерге табандылық тілеймін. Сонда ғана жеңіске қол жеткізе аласыздар, – деді чемпион.

Алмас ҚАБДОЛОВ