Атырау қаласында Қазақстан Республикасы Тәуелсіздігінің 30 жылдығына орай мүмкіндігі шектеулі спортшылар арасында шахмат, дойбы, нысана көздеу және жеңіл атлетикадан облыстық турнир өтті. Аталған жарысқа ауданымыздан 10-ға жуық спортшы қатысып, табысты оралды.
Жарыс қортындысымен төменде аталған спортшыларымыз жүлдегер болып қайтты. Шахматтан Медеуғалиев Құрманбай (Құрманғазы а/о) І орын, нысыана көздеуден Махаева Биғайша (Құрманғазы а/о) І орын, Усенова Парида (Құрманғазы а/о) ІІ орын иеленді. Жеңіл атлетика жарысында Төлегенов Нәжімеден (Мақаш а/о) І орынға, Қайыржанова Гүлбахыт (Теңіз а/о) ІІ орынға көтерілді. Жарыс соңында жеңімпаздар мен жүлдегерлерге Атырау облысы әкімдігі «Теңізшевройл» компаниясының қолдауымен диплом, медаль және сыйлықтар табыстады.
А.МЕЙІРМАН