Арқа төсіндегі ару қала Астанада өткен «Жас Отан» Жас¬тар қанатының «Жаңа әлемге жол саламыз» атты IV съе¬зіне ауданымыздан «Жиделі» фольклорлық ансамблінің әншісі, «Жас Отан» ЖҚ-ның мүшесі Толыбай Қажыгереев екеуміз қатысуға мүмкіндік алдық.
Съездің ең басты ерекшелігі – ол алғаш рет виртуалды шындық форматында онлайн көрсетілді. Соның нәтижесінде, оны қазақстандық жастар ғана емес, әлемнің барлық интернет қолданушысы көруге мүмкіндік алды. 2018 жылдың басында «Жас Отан» ЖҚ өз тарихында алғаш рет Орталық кеңес мүше¬ле¬рінің онлайн-сайлауын өткізген болатын. Сол арқылы дауыс берудің мейлінше ашық өтуіне ерек¬ше мән берілген. Орталық кеңес ұйым жұмысының негізгі бағыттарын анықтап, жастарды алаңдатқан мәселелерді зерделеп, олар¬ды шешу жолдарын ұсынады. Одан бө¬лек, партия жұмысында жастардың мүддесін қор¬ғайды. Сондықтан, ашық сайлау аталған ор¬ган¬ның тиімділігін арттырып, ұйымның әлеуетін одан әрі күшейте түскен.
Съездің алғашқы күні «Jas Otan conf» конференциясында сайлауда жеңіске жеткен кеңес мүшелері барша делегаттарға таныстырылды. Олардың қатарында жас кәсіпкерлер, еріктілер қозға¬лы¬сы¬ның белсенділері мен өнер саласының өкілдері бар. Бұл басқосу өздеріміз сынды жас¬тар мәселесіне алаңдайтын, ұтымды ой-пікірі бар, барлық аймақтан келген белсенділермен танысу, өзара тәжірибе алмасу, жаңа бір нәрсе болса да үйренетін алаңға айналды. Мұның бәрі алдағы уақытта ерекше ынтамен жұмысқа кірісуімізге жол ашады. Одан әрі съезд делегаттары «Рухани жаңғыру», «Цифрлы Қазақстан», «Қазақстанда жасалған», «Білім. Ғылым. Инновация» және «Са¬ламатты ұлт» тақырыптары аясында өткен сессияларға қатысып, пікір алмасты. Жасотандықтар ұлттық жаңғырту процесін идеялық кеңістікте жүргізу, экономикалық өсімнің жаңа моделін құру сынды ауқымды тақырыптар төңірегінде ашық алаң құрды. Ұлттық музейде өткен «Рухани жаңғыру» сессиясының жұмысына қатысқан «Нұр Отан» партиясы Төрағасының бірінші орынбасары Мәулен Әшімбаев Елбасының «Болашаққа бағдар: рухани жаңғыру» бағдарламалық мақаласының міндеттері аясында атқарылған игі жұмыстарға назар аударды. Аталған сессияға Білім және ғылым вице-министрі Асхат Аймағамбетов, «Атамекен» ұлттық кәсіпкерлер палатасы Ақпараттық-коммуникациялық технологиялар, білім беру және инновация комитетінің төрағасы Мұрат Әбенов, Мәдениет және спорт министрлігі Тілдерді дамыту және қоғамдық саяси жұмыс комитетінің төрағасы Қуат Бораш спикер ретінде қатысып, біраз мәліметтермен қанықтырды. Елінің жарқын болашағына сенетін және уақыттың жаңа сын-тегеуріндеріне қарсы тұруға дайын нағыз патриот жастардың ақыл-ойы мен тілегін тоғыстыратын «Жас Отан» ЖҚ IV съезінің гала-форумында Елбасы, «Нұр Отан» партиясының Төрағасы Н.Назарбаевтың құттықтау сөзін Мемлекеттік хатшы Гүлшара Әбдіқалықова оқып берді.
Съезд соңында «Жас Отан» ЖҚ-ның алдағы бағыт-бағдарын айқындап берген жаңа құжат қабылданды. «Жаңа әлемге жол саламыз» атты бұл құжатта еліміздегі жастар саясатына тың серпін беретін игі бастамалар мен ұйымның дамуы және еліміздегі жаңғыру үдерістеріне қатысу жөніндегі стратегиялық міндеттері көрсетілген. Жастардың басқосуынан түйгенім, әрбір жас азамат өз өмірінде табысқа қол жеткізе отырып, еліміздің өркендеуіне ықпал етіп, ХХІ ғасырда Жаңа әлемге жол салатынымызға кәміл сенемін. Ол үшін біз ортақ мақсатта ұйысып, елдік мүдде жолында аянбай тер төгуіміз керек деп есептеймін. Осындай ұмытылмастай ерекше әсер сыйлаған съезд үшін Елбасыға, ұйымдастырушыларға алғысымды білдіремін.
Наурызбай БИСЕНҒАЛИЕВ, аудандық жастар ресурстық орталығының басшысы.
