Сүйіндік – үш мыңға жуық халқы бар Азғыр өңіріндегі ең үлкен округ.

Аудан орталығынан 300 шақырымдай қашықтықта орналасқан. Округтегі №199 сайлау учаскесінің төрайымы Меңсұлу Маштаеваның айтуынша мұнда 1193 сайлаушы тіркелген. Оның 256-сы түске дейін келген. 46 адам дауыс беру жәшігін әкелуге өтініш берген екен.

– Оның ішінде мүгедектер мен өздігінен келе алмайтын адамдар, сонымен қатар жан-жақта жеке шаруасымен отырған тұрғындар бар. Малмен отырғандардың бәрі бірдей қатынай алмайды. Округ көлемі ауқымды. Сол себепті олардың барлығы да кешке дейін араланып шығады. Өтініш бергендерден ешкім де дауыс беруден шет қалмайды, барлығына жәшік апарылады. – дейді комиссия төрайымы.

Қанат ҒҰМАРОВ