Республикалық маңызы бар Атырау-Астрахан күре жолынан шетте жатырған тып-тыныш, қоңырқай тірлік кешкен, алдынан өзен ағып, арт жағын тақияша төңкерілген боз төбелер қоршаған шағын ғана елді мекен – Жамбыл ауылында 60-тың үстінде үй бар.
Нұржау ауылдық округіне қарайды. Мұндағы 361 дауыс берушінің түске дейін 158-і сайлау жәшігінің жанынан табылған. Таңертеңнен бері сайлаушылар легі толастамаған. Осының өзі кішкене ауылдың үлкен үмітін осы науқанмен байланыстырып отырғанын көрсетеді. Әлі де келіп жатқандар бар. Учаскелік сайлау комиссиясының төрағасы Бекболат Қасымбекұлы 12 адамға сайлау жәшігі апарылғанын, дауыс беруді кандидаттар мен партиялардың өкілдері бақылап отырғанын жеткізді.
Қанат ҒҰМАРОВ
