Президент Қасым-Жомарт Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Жолдауы біз, жастар мен кәсіпкерлер үшін жаңа серпін берді деп ойлаймын. Қазір әлем жасанды интеллекттің мүмкіндігін пайдаланып, жаңа нарықтар ашып жатыр. Сол бағытта Қазақстан да нақты қадам жасап отыр.
Бұл Жолдау — тек технология туралы емес, ойлау мәдениетін өзгерту туралы. Мемлекет цифрландыруды басты басымдыққа айналдырып, жастарды осы үдеріске белсенді араласуға шақырды. Бұл — бізге үлкен мүмкіндік.
Кәсіпкерлер үшін ең маңыздысы – жасанды интеллектті бизнесте қолдануға жол ашылуы. Мысалы, маркетинг, клиенттермен жұмыс немесе өндірістегі процестерді автоматтандыру арқылы шағын бизнес те өнімділікті арттыра алады.
Сондай-ақ, Президенттің білім мен кадр даярлауға ерекше мән беруі қуантады. Себебі бізге жай бағдарламашылар емес, аналитикалық ойлайтын, жаңа шешім ұсына алатын мамандар қажет.
Менің ойымша, бұл Жолдау — жастарды инновацияға, кәсіпкерлікке және жаңа буын экономикасын құруға ынталандыратын нақты бағдар. Енді бәрі біздің белсенділігіміз бен бастамашылдығымызға байланысты.
Әділет Амангелді
