Президент Жолдауында айтылған бір палаталы парламентке көшу бастамасы елдің саяси жүйесін жаңғыртумен қатар, мемлекеттік басқаруда заманауи технологияларды, соның ішінде жасанды интеллектті кеңінен қолдануға жол ашады.
Құрылымы ықшам парламент шешім қабылдау үдерісін жеделдетіп, деректерді талдау, заң жобаларын сараптау және қоғамдық пікірді мониторингтеу сияқты жұмыстарда AI құралдарын тиімді пайдалануға мүмкіндік береді.
Жасанды интеллектті саяси процестерге енгізу заң шығару сапасын арттырып, ашықтық пен дәлдікті қамтамасыз етеді. Мәселен, ұсынылып отырған заң жобаларының ықтимал әлеуметтік-экономикалық әсерін алдын ала болжауда немесе халықтың сұранысын нақты анықтауда AI үлкен рөл атқара алады.
Осылайша, бір палаталы парламентке көшу – тек құрылымдық реформа ғана емес, сонымен бірге елдің цифрлық трансформациясына, жаңа технологияларға негізделген тиімді басқару моделіне қадам жасау.
Зинетолла Мұқлесов,
Мемлекеттік қызметтің ардагері
