Ауданымызда індет кезінде 972 коронавируспен және ауруханадан тыс пневмониямен ауырғандар тіркеліп, олардың 616-сы ауруханаға жатқызылып, 265-і үй жағдайында емделді.

Жалпы аудан бойынша 163 адам коронавирусқа оң нәтиже бойынша тіркелді, олардың 41-і әртүрлі фирмалардан вахталық жұмыстан келген жұмысшылар. Ал, КВИ-ға оң нәтижелі адамдармен қарым-қатынаста болған 298 адам үйдегі карантинде бақыланды.

Өкінішке орай, ауданымызда коронавирустан – 5, пневмониядан – 10 адам қайтыс болды.

Пандемиямен күреске барлығы 362 қызметкер, оның ішінде 60 дәрігер, 171 медбике, басқа да қызметкерлер жұмылдырылды. Ауданға қарасты емдеу-сауықтыру мекемелерінің инфрақұрылымын жақсарту мақсатында 2025 жылға дейінгі мерзімге күрделі жөндеу мен жаңадан құрылыс бойынша даму жоспары жасақталды. 2020 жылға 3 мекеменің жаңадан ғимарат құрылысы жоспарланып, алғаш рет Шестой ауылынан медициналық пункт салу үшін құжаттары дайындалып, бірінші кезеңі орындалып отыр.

Гүлсара Мүтиева,

аудандық орталық аурухананың бас дәрігері