Бүгінде білім беру саласындағы жүзеге асырылып жатқан президенттік реформалар мұғалімдердің миссиясын дәріптеуге және педагог кәсібінің мәртебесін арттыруға бағытталған. Осындай жобалардың бірі - "Қазақстан мұғалімі" ұлттық сыйлық байқауы.
Жоба бастамашысы – Қоғамдық маңызды бастамаларды дамыту қоры, ал бас серіктесі – «Samruk-KazynaTrust» әлеуметтік жобаларды дамыту қоры.
Байқау нәтижесімен 10 жеңімпаз «Әлем мұғалімі» Жаһандық Сыйлығының іріктеу кезеңіне жіберіліп, ал отыз мұғалім 1 миллион теңге көлемінде шағын грант иеленеді.
Аталған байқауда бағын сынаған ауданымыздың Жұмекен ауылындағы Еңбекші жалпы орта мектебінің қазақ тілі мен әдебиеті пәнінің мұғалімі, педагог - шебер, филология ғылымдарының магистрі, креативті, жаңашыл ұстаз, онлайн педагог Амирханова Сара Бекетқызы мен Құрманғазы ауылындағы З.Серікқалиұлы атындағы мектеп-интернатының орыс тілі мен әдебиеті пәнінің мұғалімі, шығармашыл ұстаз, педагог-зерттеуші Сагадаева Жанна Абдрахманқызы ауданымыздың 2 мектебінің тарихында алғаш рет 1 миллион теңге грант жеңімпазы атанып отыр. Бұл жеңіс – ұстаздарымыздың зор мәртебесі, педагогтарымыздың мерейі екендігі анық.
Айжамал Арыстанова,
аудандық білім бөлімінің әдіскері
