Б.Бегалиев жалпы орта мектебінде «Оқуға құштар мектеп» жобасы аясында «Үздік сыйлық – бұл кітап» қайырымдылық акциясы ұйымдастырылды.
Акцияға мектеп әкімшілігі, педагогикалық ұжым, кіші қызметкерлер, ата-аналар қатысты. 11 қаңтар мен 11 ақпан арасында өткен акцияның мақсаты – мектеп кітапхана қорын заманауи басылымдармен толықтыру.
Мектеп кітапханасының меңгерушісі Надежда Даленқызы акцияның мақсатымен таныстырып, кітапхана қорын толықтырған ұжымдастарға алғысын білдірді. Білім ұясының директоры Г.Қалиева, директордың оқу ісі жөніндегі орынбасары М.Қиюазова, ата-аналар бірқатар әдеби кітаптарды сыйлыққа ұсынды. Кітапханаға күні бүгінге дейін 70-ке жуық кітап табысталды. Олардың арасында жерлес қаламгерлер Т.Дәреловтің, Р.Иманғалиевтың, Т.Өтегеновтің, Н.Нұғымановтың, Қ.Ғұмаровтың, С.Мәдиевтың, А.Қыдыршаевтың шығармалары бар. Акция жалғасуда.
Н.Өтегенова,
Б.Бегалиев атындағы жалпы орта мектебінің кітапханашысы
