2023 жылы 24 мамыр күні Приморье ауылдық клубында ұлы күйші Құрманғазы Сағырбайұлының 200 жылдығына орай ауылымыздың жас таланты, облыстық, республикалық домбырашылар байқауының жүлдегері Нұрланов Нұрдаулеттің орындауында «Өнерлігі өріс кең» атты өнегелі сағат кеші өтті. 

Кеште ардагерлер кеңесінің төрағасы Амангельды Абзалұлы, Д.Нұрпейсова атындағы балалар өнер мектебінің ұстаздары Гүлмира Мақсотқызы мен Гауһар Сәтімқызы, Ю.А.Гагарин атындағы жалпы орта мектебінің директоры Гауһар Нұрлығайынқызы, клуб меңгерушісі Гүлнар Хамитқызы, нағашылар атынан Маназиля Темирболатқызы құттықтау сөз сөйлеп, жүрекжарды лебіздерін білдірді.

Округ әкімі аппаратының баспасөз қызметі.