Аудан әкімінің қабылдауына орай жайылған мерекелік дастарханға түрлі салада абыройлы еңбек еткен ардагерлер мен бүгінгі күні де лайықты қызмет атқарып жүрген бір топ қыз-келіншектер жиналды.
Басқосуда аудан басшысы Марат Мурзиев мерекелік лебізін білдіріп, нәзік жандыларға алғыс хаты мен гүл шоғын табыстады.
Аудан әкімінің орынбасары Гүлнар Хасанова, мәслихат хатшысы Болат Жүгінісов құттықтау тілектерін жеткізіп, әйел-аналардың бүгінгі қоғамдағы рөліне тоқталды.
Кездесуде жылы лебіздерін жаудырған қонақтар еліміздің жасампаз жетістіктеріне тоқталып, көтеріңкі көңіл күй сыйлаған ұйымдастырушыларға алғыстарын айтты. С.Көшекбаев атындағы аудандық мәдениет үйінің өнерпаздары әуезді әндерін шырқады.
Айнагүл Күнұзаққызы
