Аудандық сотта оның төрағасы Ерболат Аманғалиев сала қызметкерлеріне Қазақстан Республикасының Жоғарғы Сотымен сот актілерінің түрлі нұсқаларын жасақтау бойынша әзірленген «Сот актілерінің мемлекеттік тілдегі үлгілері» жинағын таныстырды.
Көлемі 700 беттен тұратын кітапта қылмыстық, азаматтық істер бойынша 300 сот актілері жинақталғанын хабардар етті. Сондай-ақ, сот төрағасы кітаптың мазмұнында азаматтар үшін түсінікті бірыңғай және стандарт терминдердің ұсынылғанын, сот ісін жүргізуде жиі қолданылатын жеке терминдер мен сөз тіркестерінің аудармасы келтірілгенін атап көрсетті.
А.Шакупова
