Аудан орталығында референдум күні таңғы 7 жарымнан бері ауыл шаруашылығы өнімдерінің жәрмеңкесі өтіп жатыр.
Оны аудан әкімдігі мен аудандық ауыл шаруашылығы және жер қатынастары бөлімі ұйымдастырды. «Құрманғазы СДО» ӨК сиыр және жылқы еттерін тұрғындарға тиімді бағада сатуда. Сатушы Гүлжиян Буденованың айтуы бойынша таңертемен әкелінген 600 келі еттің қазіргі уақытта 50 келідей қалыпты. Сондай-ақ, Нұржау ауылдық округінен «Мажитов Қ» шаруа қожалығы қой малын аяқтай сатуда. Тұсақтың құны 45 мың теңге.
