Қазақстан Республикасы Ішкі істер министрлігінің нұсқауына сәйкес, Департаменттің қалалық және аудандық пробация қызметтерінде «Құқықтық тәртіп» жедел республикалық профилактикалық іс-шарасы өткізілуде.
Шара аясында Пробация қызметкерлері учаскелік полиция инспекторларымен бірігіп, есепте тұрған 78 тұлғаның мекенжайы мен жұмыс орындары бойынша тексеру жұмыстарын жүргізуде. Сотталғандардың тұрмыстық жағдайлары толық зерттеліп, олардың кіммен тұратыны, баспанасының бар-жоғы, жұмыспен қамтылғаны және т.б. мәселелер анықталды. Жазаға тартылғандарды тезге салып, олардың қайта қылмыс жасауының жолын кесіп, болдырмау ісі тоқтамақ емес.
Е.Сұлтанов, аудандық пробация қызметі бөлімінің аға инспекторы, әділет аға лейтенанты
