Аудандағы эпидахуал күрделі. Әсіресе, 25-29 жас аралығындағы жастардан коронавирус инфекциясы көп тіркелуде. Оның басым бөлігі вакцина алмағандар.
Соңғы кездері көпшілік ортада бетпердесіз жайбарақат жүргендердерді байқап жүрміз. Үй ішінде өткен бас қосулардан бөлек, той-топырлар да жиілеп кетті. Осындай арқаны кеңге салушылықтың әсерінен күн сайын орта есеппен 13 құрманғазылықтан коронавирус анықталуда. Басым бөлігі – жастар.
Ағымдағы жылдың қаңтар айында «Covid-19» тәжтажал инфекциясын 120-ға жуық тұрғын жұқтырды. Бұл көңіл көншітерлік жағдай емес. Оның арасында, жүкті келіншектер мен 4-жасқа дейінгі балалар да бар. Сондықтан, індетке салғырт қарамайық. Коронавирусқа қарсы екпе алып, ауырмаудың жолын іздеуге асығайық.
Гаухар Тоғаева
Аудандық санитарлық эпидемиологиялық бөлімнің басшысы
