Құрманғазы аудандық аналар кеңесі «Еңбек күні» мерекесі қарсаңында ауданда көп жыл бір салада еңбек еткен аналардың мәртебесін арттырып, құрмет көрсету бағытында олардың жұмыс орындарына барып құттықтап, ұлығылады.
Теміржол саласы ПЧ мекемесінде 32 жыл теміржол жөндеушісі ( монтер – пути) болып еңбек ететін әйел – ана Құсайнова Қалима Мұстақимқызымен аудандық аналар кеңесі жұмыс басында кездесіп жұмыс бағыты туралы пікірлесіп, мерекелік құттықтау хатын тапсырып, иығына ақ орамал жауып, сыйлықтар табыстады. Ер– азаматтардың істейтін қызметін абыроймен атқарып жүрген Қалима анаға адал еңбегімен көркеюді , еңбегінің ел алдында еленуіне тілек білдірді.