Шортанбай ауылдық округіне қарасты Жасталап ауылындағы Уәлиханов атындағы негізгі орта мектебінде аудандық аналар кеңесі мен педагогикалық ұжымның бірігіп ұйымдастыруымен саяси қуғын-сүргін құрбандарын еске алу күніне орай «Тарихтан – тағылым, өткенге – тағзым» атты мәдени-танымдық шара өтті.
Оған округ әкімі С.Нәбидоллаев, аудандық және ауылдық аналар кеңесінің мүшелері, көпбалалы аналар қатысты.
Шара барысында азалы күннің ел өмірінде алатын орнына баса мән берілді. Мектеп оқушылары сол заманның қайғы-қасіретін, жазықсыз тұтқындалған адамдардың қайсарлығын айшықтаған театрландырған қойылымдары көрерменнің көңілінен шықты.
А.Шакупова
