Сотталғандар жұмыспен қамтылуда

Рейтинг: 0 / 5

Құрманғазы аудандық пробация қызметі бөлімінің есебінде қазіргі таңда 86 сотталған есепте тұр. Оның ішінде 10 сотталған жұмыссыз, қалғаны жұмыспен қамтылған.

Аудандық пробация қызметі бөлімімен және аудандық жұмыспен қамту және әлеуметтік бағдарламалар бөлімімен бірлескен жұмыстар нәтижесінде, есепте тұрған тұрмыстық қиын жағдайға тап болған 2 азаматқа біржолғы әлеуметтік жәрдемақы берілді, жергілікті жердегі «Каспий балық ӨК, «OTAN Project» ЖШС-теріне тұрақты жұмысқа орналасқан сотталғандардың арасында жоғары айлық жалақымен отбасыларын асырап келетіндері де аз емес.

Жыл басынан бастап пробация қызметі аудандық жұмыспен қамту орталығында өткен жәрменкеге жұмыссыз сотталғандарды қатыстыру арқылы 2 сотталған «Атамекен» Қазақстан Республикасының Ұлттық кәсіпкерлер палатасының қаржылай емес қолдау операторы ретінде ұйымдастырылған «Бизнес Бастау» кәсіпкерлік негіздерін оқыту жобасы бойынша оқуды аяқтап, қазіргі уақытта мемлекеттік грант алуга үміткер болып отыр. Сонымен қатар, 11 сотталған ақылы қоғамдық жұмысқа, 2 сотталған квота бойынша тұрақты жұмысқа орналастырылды.

Сотталған азаматтарға аталған қолдау Пробация қызметінің есебінде тұрған азаматтарға әлеуметтік-құқықтық көмек көрсету қағидасының 14-тармағына сәйкес жүзеге асырылды.

Жалпы, Пробация қызметімен атқарылып жатқан мұндай көмек түрлері есепте тұрған сотталғандардың қайта қылмысқа бармауы, яғни қоғамда бейімделуі үшін жасалуда.

 

 

Атырау облысы бойынша ҚАЖД

Құрманғазы аудандық пробация қызметі

бөлімінің аға инспекторы

әділет капитаны А.Н.Биманова

Соңғы жаңалықтар

podpiska_kaz

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logotype

Меншік иесі: «Атырау-Ақпарат» ЖШС

“Серпер” ҚР Ақпарат және коммуникациялар министрлiгi Ақпарат
комитетінде 2018 жылы 16 мамырда тiркелiп, № 17103-Г куәлiгi берiлген.
Мекенжайымыз: Атырау облысы, Құрманғазы ауданы, Құрманғазы ауылы,
С.Көшекбаев көшесі, 25 үй.
Индекс 060400.
Байланыс телефоны: +77123321570, +77123321478.


Яндекс.Метрика