«Биыл Құрманғазы ауданының Котяевка, Бірлік, Теңіз ауылдарына кірме және ауылішілік автомобиль жолдары салынып, пайдалануға берілді», - деп хабарлайды Атырау облыстық коммуникациялар қызметі.
Бұл туралы Құрманғазы ауданының әкімі Қайрат Нұртаев айтты. Оның айтуынша, әлі бірнеше ауылда кірме және ауылішілік автомобиль жолдары салыну үстінде.
-Қазіргі уақытта Сафон, Ақкөл ауылдарының кірме және ауылішілік автомобиль жолдары салынуда. Бұл жұмыстар 2021 жылы аяқталады деп күтілуде. Бұдан бөлек, «Ауыл – ел бесігі» бағдарламасы негізінде Нұржау ауылының кірме және ауылішілік автомобиль жолдарын қайта жаңғырту жұмыстары жүргізілуде. Жол құрылысының аяқталу мерзімі – 2021 жыл, - деді Құрманғазы ауданы әкімі Қайрат Нұртаев.
