​Сіздерді кәсіби мерекелеріңіз - ауыл шаруашылығы күнімен шын жүректен құттықтаймын! ​

Ауданымыздың әлеуметтік-экономикалық ахуалын жақсарту жолындағы қол жеткен табыстарымызда ауыл шаруашылығы қызметкерлерінің еңбегі орасан зор. Нарықтық қоғамның қиындықтарына мойымай, ата кәсібіміз - ауыл шаруашылығын қайта өрлете отырып, аудан экономикасының дамуына өздеріңіздің зор үлестеріңізді қосып келесіздер.

Ауыл шаруашылығы саласы тамақ өнімдерін өндіру, ауыл шаруашылығы шикізаттарын беру арқылы халқымыздың тұрмыс-тіршілігін, олардың өмір сүру жағдайы мен сапасын реттеп келеді. ​Ұзақ жылдар еселі еңбек етіп келе жатырған Сіздер әлі де алда болып, еліміздегі ауыл шаруашылық саласын өркендетудегі салихалы саясатты ойдағыдай жүзеге асырып, халықтың хал-ахуалының жақсаруына зор үлестеріңізді қоса беретіндеріңізге сеніміміз мол. ​Сіздерге мықты денсаулық, отбасы бақытын, жемісті еңбек тілеймін. Ел болашағының өркендеуі жолындағы қажырлы еңбектеріңіз әрдайым молшылыққа ұласып, ел қуанар биік белестерден көріне беріңіздер!

Құрметпен,  М. Мурзиев аудан әкімі