Мемлекет Басшысының «халық үніне құлақ асатын мемлекет» тұжырымдамасында жүктеген міндеттерді орындау мақсатында Бірыңғай (Ұлттық) азаматтарды қабылдау күні жалпы республикалық іс-шарасы өтеді.
Осы акция аясында 2019 жылдың 21 қараша күні сағат 09.00-ден 18.30-ге дейін (13.00-14.30 аралығындағы түскі үзілісті қоспағанда) аудан әкімдігі ғимаратының 1 қабаттағы кіші мәжіліс залында аудан әкімі Нұртаев Қайрат Талапұлы азаматтарды жеке қабылдау өткізеді. ⠀
Қабылдауға алдын-ала жазылу үшін Құрманғазы ауданы әкімдігі аппаратына ағымдағы жылдың 13-16 қараша күндері аралығында сағат 09.00-ден 18.00-ге дейін 2-06-90, 2-13-76 телефон нөмірлеріне хабарласуға болады. ⠀
Құрманғазы ауданы әкімдігі ⠀