Құрманғазыдағы сауда нысандары дезинфекциялық тоннельмен жабдықталды

Рейтинг: 0 / 5

Орталықтағы «Серпер» базары, «Құралай» сауда үйі алдында дезинфекциялық тоннель пайда болды. Сауда нысандарына аяқ басқан әрбір адам бұл құралдың игілігін көруде.

Тоннель ішіндегі залалсыздандыру автоматты түрде жасалады – бүріккіштер қатты қысым астында арнайы құралды шашады. Осылайша барлық келушілер мен қызметкерлер дезинфекциялық құралдың ауа ағыны арқылы өтетін болады.

tonnel-ralaj

«Серпер» базарының басшысы Роман Рахимов: «Қауіпті індет басталғалы бері халықтың әбден әуре-сарсаңға түскені рас. Әсіресе кәсіпкерлер ісінің дөңгелеуіне мүмкіншілік азайды. Ауру жұқтырғандар саны сиреп, ағымдағы жылдың 17 тамызынан бастап жабық базарлардың ашылуына рұқсат берілген болатын. Тұрғындардың өміріне жанашырлық танытып, сақтық шараларын шетке ысырмау мақсатында осы құралмен жабдықталдық. Құралдың 5%-ы спирт, дистилденген су, 0,1% хлор мен хош иістен тұрады. Киімге ешқандай зияны жоқ, тиімділігі өте жоғары»,-деп тоннельдің қызметімен жетік таныстырды.

Қажетті затын алуға базар есігінен ентелей кірген ауыл тұрғыны: «Бұл да бір - халық игілігі үшін жасалған жақсы амалдардың бірі. Бұрын кіре-берісте тұрған антисептикті өзіміз қолымызға шашып, кезек күтіп қиналатын едік. Осы құралдың арқасында ішке ешқандай кідіріссіз кіріп, уақытымызды да үнемдейміз. Екінші жағынан автоматты түрде залалсыздандырудан өтеміз. Кәсіпкерлердің жұмысына сәттілік тілеймін»-деп ризашылығын жаудырды.

Еркеназ Қалижан

COVID 19

covid

Соңғы жаңалықтар

Фотогалерея

Тәуелсіздікке 30 жыл

tuelszdkke-30-zhyl

Бейнебаян жаңалығы

Aqprint

Байланыс номерi :     +7 775 798 46 24     +7(7122) 45-85-21

logotype

Меншік иесі: «Атырау-Ақпарат» ЖШС

“Серпер” ҚР Ақпарат және коммуникациялар министрлiгi Ақпарат
комитетінде 2018 жылы 16 мамырда тiркелiп, № 17103-Г куәлiгi берiлген.
Мекенжайымыз: Атырау облысы, Құрманғазы ауданы, Құрманғазы ауылы,
С.Көшекбаев көшесі, 25 үй.
Индекс 060400.
Байланыс телефоны: +77123321570, +77123321478.


Яндекс.Метрика