С.Көшекбаев атындағы аудандық мәдениет үйінде балалар жылы мен «Мәдениетті ана-мәдениетті ұлт» жобасы аясында «Отбасы күні» мерекесіне орай «Отбасы-ұлағат мектебі» атты семинар өтті.

Шара аудан әкімінің міндетін атқарушы Гүлнар Хасанованың құттықтау сөзімен басталды.

Өмірдің ақ пен қарасы сынды кейінгіге үлгі болар пайым-парасаты мол, өнегелі отбасыларсахна төріне шақырылып, жүргізушімен әңгімелесіп, сұхбаттасты.  

«Ұлағатты ұл мен ибалы келін отбасының берекесі» атты тақырыпта Рахимовтер, «Ізетті қыз-отбасының абыройы» тақырыбында Ильясовтар, «Мамандығым-мақтанышым» тақырыбында Мұхамбетқалиевтер, «Жақсы аға қорғаның, жақсы жеңге сырласың» тақырыбында Жұмағалиевтер, «Әке тәрбиесі-өмірлік ұстаным» тақырыбында Сағаден Нұрмұханов отбасы, «Ана алақанының аясы, ақ шынардың саясы» тақырыбында Какима Қабдоллаева, «Отбасылы болу-өнегелі ғұмырдың бастауы» тақырыбында жас отбасы Мұрадым мен Тұрсынай марапатталды.

Сонымен қатар, семинарда Харекет қайырымдылық қорының 739 және 740баспанасы ауданымыздың тұрғындарынатабысталып, «Харекет» қайырымдылық қорының еріктілері Азамат Ғалижанұлы, Ақмарал Ерсайынқызы, Ақдария Исағалиқызы аудан әкімінің алғыс хатымен марапатталды.

Мерекелік шара барысында Руслан-Дария Мұхтаровтар, Нұрғазы Ғапуұлы ән шырқап, барша өнегелі отбасылардың құрметіне арнап «Жұбайлар жыры»  әнімен Қайрат Ғапуұлы кешті қорытындылады.

Ақмарал Бисембайқызы