Құрманғазы ауданында соңғы тәулікте коронавирус инфекциясын жұқтырғандар саны 86-ға жетті.
Оның 80-і ауданымыздан анықталса, 6-ауы шекара арқылы өткен басқа өңірдің тұрғындары. Күні бүгін Құрманғазыдан – 21, Бірліктен – 1, Алғадан – 3, Ақкөлден-45, Жаңаталаптан-5, Кудряшовтан-1, Қиғаштан-1, Еңбекшіден-3 жағдай тіркеліп отыр. Қазіргі таңда науқастар жұқпалы аурулар ауруханасына оқшауландырылуда. Ауру ошақтарында эпидзерттеу жұмыстары, дезинфекциялық жұмыстар жүргізіліп, қарым-қатынаста болғандар анықталуда. Жазылып шыққандар саны – 15. Күнделікті статистикалық ақпарат көрсеткендей, әлем бойынша қауіп төндіріп тұрған аты жаман індеттің көрсеткіші азаймай тұр. Сондықтан, аурудың алдын алып, санитарлық талаптарға ден қойған жөн.
А.Шакупова
