«Дауыс» тәуелсіз байқаушылар коалициясының бақылаушысы Кенжебаева Альфия Владимирқызы:
– Таңғы сағат 6:00-ден бастап Атырау облысының Құрманғазы ауылындағы № 170 дауыс беру учаскесіндемін. Сайлау барысында ешқандай кемшіліктер байқалған жоқ, бәрі жоспар бойынша жүріп жатыр. Ашық, әділ өтуде. Заң бұзушылықтар тіркелмеді. Халықтың қатысуы да жақсы. Ұжым болып келіп дауыс беріп жатқандар да бар. Жауапты науқан болғандықтан азаматтарымыз одан шет қалмай өз таңдауын жасайды деген сенімдемін. Мұнда «Азаматтық альянс», «Аманат» партиясының да байқаушылары қатысуда.
