Аудан әкімдігінің кіші мәжіліс залында аудан әкімі Марат Мурзиев аудандық полиция бөлімінің бастығы, полиция полковнигі Тұрғали Тұрғамбайұлы Жұмашевті зейнеткерлік жасқа шығуына орай қабылдап, құрмет көрсетті.
Аудан басшысы ішкі істер саласында 20 жыл өтілі бар Тұрғали Тұрғамбайұлы өңірімізде де 2 жыл абыройлы еңбек еткеніне тоқталып, адал және мінсіз қызметі үшін ауданның Құрмет грамотасын табыстады.
Аудандық мәслихат хатшысы Болат Жүгінісов ақжарма тілегін білдіріп, алғыс хатын табыстады.
Өз кезегінде Тұрғали Жұмашев қабылдау жиынын ұйымдастырып жатқан аудан әкіміне, бірлесіп жемісті еңбек еткен әріптестеріне үлкен алғысын білдіріп, алдағы қызметтеріне сәттілік тіледі.
А.Шакупова
