«Amanat» партиясы аудандық филиалының төрағасы Ерлан Хисметуллин бір топ ерекше жандармен кездесу өткізді. Кездесуге аудандық жұмыспен қамту, әлеуметтік бағдарламалар бөлімінің басшысы Жігер Жанқанов, ақпарат құралының өкілі қатысты.
Филиал төрағасы Ерлан Уалитханұлы: – Бәріңізді де келіп жатқан Ораза айтпен құттықтаймын! Отбастарыңызға амандық, дендеріңізге саулық тілеймін. Қоғамдық өмірге белсене араласып жүргендеріңіз үшін ризашылығымды білдіремін. Бұған дейін Наурыз мейрамының онкүндігі жарияланған болатын. Соның және «Amanat» партиясының «Кедергісіз келешек» жобасының аясында өздеріңізбен кездесіп, құрмет көрсетіп, алғыс хаттар мен шағын естелік сыйлығымызды табыстағанды жөн көрдік. Екінші форматта сіздерді толғантып жүрген қандай мәселелер бар соны естіп, атқарушы органдарға жеткізуге біз әрқашанда дайынбыз, – деп бір топ адамға Алғыс хаттар, естелік сыйлықтар табыс етті.
Аудандық жұмыспен қамту, әлеуметтік бағдарламалар бөлімінің басшысы Жігер Жанқанов мерекемен құттықтап, ізгі тілегін арнады.
Қатысушылар көрсетіліп жатқан құрметке ризашылықтарын білдіріп,«Amanat» партиясына сенім артатындарын жеткізіп, үй құжатын жасақтауға көмектескендерін еске алып, жұмыстарына толағай табыстар тіледі. Сонымен қатар, филиал тарапынан шетелдік сапалы протезбен қамтуға ықпал етсе, күзде мүгедек балалар арасында жарыс ұйымдастырылса деген ұсыныстарын ортаға салды.
Қанат ҒҰМАРОВ
