Күні-кеше ата-аналарға арналған айлық аясында облыстық  «Отбасы-тәрбие басы, мектеп-тәрбие жаршысы» атты отбасылық сайыс өткен болатын.

Ауданымыздың намысын қорғауға Ломоносов атындағы жалпы орта мектебінен Талғат Серікбайұлының әулеті  қатысқан еді.  Жерлестеріміз бұл додада үш кезең бойынша сайысқа түсті. Атап айтсақ, «Бақыт мекені» бөлімінде ертегі желісімен отбасылық таныстырылымын көрсетіп, «Ақыл патшалығы» кезеңінде Жеңіс саябағының ішінде жасырынған мақалды тауып, мағынасын түсіндірді. Ал, «Спорт аралы» тақырыптық бөлімінде отбасылар спорттық ойындар арқылы сергіту сәтінде кездесті. Осылайша, жеңіске таласқан тоғыз команда арасынан жүлделі І орынды жеңіп алды.

Тек мектебіміздің емес, күллі Құрманғазының намысын қолдан бермеген Жұмалиевтар отбасына толағай табыс тілеп, ризашылығымызды білдіреміз.

Т.Ажгалиева
Ломоносов атындағы жалпы
 орта мектебінің директоры