Биыл Орлы ауылына жол салынады деп хабарды естігеннен кейін жаңбыр жауса батпаққа бататын жерімізге асфальт төселетініне қуанып едік.

Оған жауапты мекеме жерді қырып, істің басын жақсы бастады. Бірақ, қазір атқарылып жатқан жұмыс тоқтап қалды. Аяқсыз қалады ма? Жол қашан салынады?

Абат ЕРҒАЛИЕВ, Орлы ауылы

–Ауылішілік жол құрылысы биыл басталуы тиіс. Жалпы ұзындығы– 10,4 шақырым. Тапсырыс беруші аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі. Жеңімпаз мекеме – «Атырау жолдары» ЖШС.

Руслан СИРАЖЕВ, аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі басшысының міндетін атқарушы