Атырау облысы Білім беру басқармасы Daryn Ortalygy "Таланттарды анықтау және қолдау орталығы" өткізген "Біз таланттарды іздейміз"атты конкурстың облыстық кезеңі өтті.
Б.Бегәлиев мектебіне қарасты "Нұршуақ" жасөспірімдер театрының актёрлары "Театр өнері" номинациясы бойынша жүлделі ІІ орыннан көрінді. Ең кіші актрисамыз Баянбекқызы Айкөркем арнайы дипломмен, "Көрермен көзайымы" номинациясымен марапатталды.
Облысымыздың дарынды талантты балаларының танылуына қашанда қолдау көрсетіп, қамқорлық танытып жүретін Атырау облысы Білім беру басқармасы "Таланттарды анықтау және қолдау орталығының" директоры Сарбалин Руслан Құмарғалиұлына, бұл шараны ұйымдастырушыларға шынайы алғысымызды білдіреміз.
