Аудандық музейде жергілікті мәслихаттардың 25 жылдығына орай «Аудандық мәслихаттың мерейлі белестері» атты тақырыптық көрме ашылды.
Шарада аудандық мәслихат хатшысы Жүгінісов Болат өкілетті органның аудан экономикасы мен әлеуметтік мәселелерінің, қоғамдық өмірінің өркендеуіне қосқан үлестеріне орай осындай құрмет көрсетіп жатқандығы үшін аудан әкімдігіне, мұражай қызметкерлеріне депутаттар корпусы атынан ризашылығын білдірді.
Мерекелік медальмен аудан әкімінің орынбасары Ж.Бектеміровті, аудандық қоғамдық кеңес төрағасы Ж.Ғұмаровты ұлығыласа, аудандық мұражайдың меңгерушісі Ж.Хайрошеваға естелік хат пен Кеңес Одағының батыры, Қошалақтан ұшқан қыран Мұқат Мусаевтың атына берілген Атырау облысының «Құрметті азаматы» куәлігі мен төсбелгісін музей қорына тапсырды.
Тақырыптық көрменің көгілдір лентасын аудан әкімінің орынбасары Ж.Бектеміров пен ҚР мәслихаттарының «Құрметті депутаты» Р.Сұлтанияев қиды.
Көрмеге қойылған фотосуреттермен, құжаттармен музей қызметкері Жазира Мадирова таныстырып өтті.
А.МЕЙІРМАН