«Amanat» партиясы Құрманғазы аудандық филиалының кезектен тыс ХХХХ конференциясы өтті.
Оған Саяси кеңес, Саяси кеңес Бюро мүшелері, бастауыш партия ұйымының төрағалары, партия белсенділері, БАҚ өкілдері қатысты. «Amanat» партиясы аудандық филиалының хатшысы Өмірболат Есенғазиев күн тәртібімен таныстырып, жиынды жүргізіп отырды. Конференция барысында бір мандаттық сайлау округтері бойынша сайланатын Атырау облысы, Құрманғазы ауданы мәслихатының депутаттығына партиялық тізіммен ұсынылған кандидаттарды тіркеу үшін аудандық сайлау комиссиясына жолданатындығы туралы қаулы қабылданды. Күн тәртібіндегі екінші мәселе бойынша «Amanat» партиясы Атырау облыстық филиалының кезектен тыс ХХХVІІІ конференциясына делегаттар сайланды.
Айнагүл Күнұзаққызы
