Аудандық оқушылар үйінің ұйымдастыруымен Абай атындағы жалпы орта мектебінде республикалық «Менің таңдауым – саламатты болашақ» атты театрландырылған қойылымдар байқауының аудандық кезеңі өткізілді.
Салауатты өмір салтын белсенді ұстанып, нашақорлықтың адам өміріне тигізер залалы мен қоғамға келтірер зиянын оқушыларға кеңінен насихаттау мақсатында оздырылған бұл сайысқа ауданымызға қарасты 10 мектептен сайыскерлер қатысты. Дода барысында 9-11 сыныптан құралған әр білім ошағының сахна саңлақтары бірінен-бірі қалыспай, көрерменге берері мол туындыларымен бөлісіп, өздері де өзгелері де мол әсер алып қайтты. Ал сайысқа төрелік еткен әділ-қазы алқасы, сахна талаптары мен оқушының өзін ұстау әдебі, қатысушылардың актерлық шеберлігі мен шығармалардың мазмұнына басты назар аударып, бағасын берді.
Олимпиада нәтижесінде, жүлделі ІІІ-орынды Ә. Сәрсенбаев пен Қ.Мырза-Әли атындағы жалпы орта мектептерінің оқушылары иемденіп, ІІ-орын Абай мектебінің саңлақтарына бұйырды.Сонымен қатар, Б.Бегалиев атындағы ЖОМ-нің жанынан құралған «Нұршуақ» театры І-орынды қанжығалап, облыстық кезеңге жолдама алды. Ал, қалған қатысушыларға Алғыс хат табысталды.
Жайдарлым Қайреден
