Мақаш ауылдық округіндегі "Шабыт" мәдениет үйінде орналасқан №165 сайлау учаскесіне азаматтар таңғы сағат 7.00-ден бері ағыла бастады.
Сайлаушылардың еркін қозғалып, дауыс беруі үшін оңтайлы жағдайлар жасалған. Ауылдағы жас сайлаушы Ернұр Ғалымжанов маңызды қадамнан шет қалмай, өз таңдауын жасады. Сайлаушылардың алды боп келген оған арнайы сыйлық ұсынылды. –Мен өзімнің жүрек қалауыммен таңдаған партияға дауыс бердім. Жарқын болашақ – жастардың қолында. Еліміздің ертеңі үшін қолымыздан келгенді аянбауымыз керек. Менің таңдауым – маңызды, өзімді Отанымның патриотымын деп есептеймін, – дейді Ернұр Даниярұлы.
Еркеназ Қалижан
