Жаңаталап ауылдық округі әкімі аппараты мемлекеттік қызметтер тізіліміне сәйкес мемлекеттік қызметтің 5 түрін, яғни:
«Елді мекендер шегінде объектілер салу үшін жер учаскелерін беру»;
«Жер учаскесінің нысаналы мақсатын өзгертуге шешім беру»;
«Сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтар алу»;
«Жер учаскесін алу үшін кезекке қою»;
«Шалғай елді мекенде тұратын балаларды жалпы білім беру ұйымдарына және кейін үйлеріне тегін тасымалдауды ұсыну» бойынша қызмет көрсетеді .
2021 жыл бойынша жеке және заңды тұлғалардан 108 өтініш түсіп, оның 6-ы түсіндіріліп, 102-і қанағаттандырылды. Олар мерзімінде қаралып, жауапкершілікпен орындалды. Сонымен қатар, округтегі «Өзіне-өзі қызмет көрсету бұрышы» арқылы 915 мемлекеттік қызмет көрсетілді.
С.Сапарова
Жаңаталап ауылдық округ әкімі аппаратының бас маманы
