Мемлекеттік қызмет — көрсетілетін қызметті алушылардың өтініші бойынша жеке тәртіппен жүзеге асырылатын және олардың құқықтарын, бостандықтары мен заңды мүдделерін іске асыруға бағытталған мемлекеттік функцияларды іске асыру нысандарының бірі.
Мемлекеттік қызметтер адам өмірінің барлық салаларын және бүкіл кезеңін қамтиды. Туған сәттен бастап адам өмір бойы мемлекетпен мемлекеттік қызметтерді алу арқылы өзара әрекеттеседі. Мемлекеттік қызмет көрсету сапасын арттыру — бұл сыбайлас жемқорлыққа қарсы іс-қимылдың және Қазақстан Республикасы мемлекеттік органдарының қызметіне азаматтардың сенімін арттырудың маңызды аспектісі. Соңғы бірнеше жылда мемлекеттік қызмет көрсету саласында үлкен өзгерістер болды, арнайы ережелер мен стандарттар әзірленіп, бекітілді.
Көптоғай ауылдық округінде әкім аппараты жұмысының ажырамас бөлігі және басты бөлігі мемлекеттік қызмет көрсету болып табылады. Мемлекеттік қызметтер қатарына: жер учаскесінің нысаналы мақсатын өзгертуге шешім беру, елді мекен шегінде объект салу үшін жер учаскесін беру және басқалары кіреді. Барлық көрсетілетін мемлекеттік қызметтер белгіленген мерзімде уақытылы орындалады және тегін негізде көрсетіледі.
Интернет дәуірінің басталуын ескере отырып, көптеген елдер халықтың мемлекеттік органдармен (қызмет көрсетушілермен) өзара қарым-қатынасын барынша жеңілдетуге, жеделдетуге және оңтайландыруға тырысуда. Бұл үшін арнайы Қазақстан Республикасында «Электрондық үкімет» порталы енгізілді «Egov.kz» (бұдан әрі-портал), ол азаматтар мен бизнеске мемлекеттік және муниципалдық қызметтердің қалыптасқан жиынтығын ұсынады. Оның көмегімен сіз қызметті электронды түрде ғана емес, сонымен қатар қызметтің өзі, алынған орны, құны, қызмет көрсету мерзімі және құжаттардың үлгілері туралы барлық қажетті ақпаратты ала аласыз.
Халықтың мемлекеттік қызметтерге қолжетімділігін арттыру мақсатында әкім аппаратында электрондық мемлекеттік қызметтерге «өзіне-өзі қызмет көрсету бұрышы» жұмыс істейді. Қажет болған жағдайда аппарат мамандары порталды пайдалану бойынша азаматтардың туындаған сұрақтарына жауап береді, электрондық цифрлық қолтаңба болған кезде көрсетілетін қызметтерді алу туралы ақпарат береді. «Өзіне-өзі қызмет көрсету бұрышы» арқасында компьютермен жұмыс тәжірибесі жоқ азаматтар электрондық үкімет порталы арқылы өз бетінше пайдалануға және қызмет көрсетуге оқытудан өтеді, бұл оларға үйден шықпай-ақ барлық мемлекеттік қызметтерді алуға мүмкіндік береді.
Халыққа мемлекеттік қызмет көрсету мәселелері бойынша ақпарат беру және қол жетімділік мақсатында мемлекеттік мекеме ғимаратында көрнекі ақпарат бар стенд орналастырылған (стандарттар, көрсетілетін қызметтер тізімі, өтініш үлгілері, шағымдар журналы). Округте мемлекеттік қызметтерді көрсету бойынша халықты ақпараттандыру бойынша тұрақты түрде: бейне сабақтар, түсіндірме әңгімелер, дөңгелек үстелдер және осы тақырып бойынша ауылдық жиындарда брошюралар мен парақшалар берумен жұмыстары жүргізіледі.
Шамеров Айдос Елдосұлы,
Көптоғай ауылдық округ әкімі аппаратының бас маманы
Сурет https://tolqyn.kz
