«Құрманғазы аудандық жас туристер бекеті» коммуналдық мемлекеттік мекемесінің 2021-2022 оқу жылына арналған жылдық жұмыс жоспарына сай 25 қазан күні өлкетану үйірмесінің жетекшісі Базарбаев Кенжетай Исатайұлы үйірме оқушыларын бастап Құрманғазы аудандық тарихи-өлкетану мұражайына саяхат жасады.
Аудандық тарихи-өлкетану мұражайының маманы Шатанова Назгүл Наланқызы мұражайдың өлкетану, этномәдениет және ауданымыздың танымал адамдарына арналған залдарына жеке-жеке тоқталды. Қазіргі заманауи 3D модельдеу экраны арқылы мұражайдағы ескі жәдігерлердің үш өлшемді нысандарын көрдік. Өлкемізден табылған ескі жәдігерлерді тамашаладық.
Ауданымыздың атқару жұмыстарында, балық кәсіпшілігінде, Ұлы Отан соғысына қатынасқан, педагогика, медицина, спорт саласында және кәсіпкерлік мекемелерде аянбай еңбек еткен, ұмытылмас ерлік жасаған жерлестеріміз туралы, өлкеміздегі ұлттық салт-дәстүрлер және көнеден қалған күміс, қола, жез сияқты металлдардан жасалған заттар легін көзбен көре отыра, өлкемізден шығып облысқа, республикаға,одан әрі әлемге танымал болған әр саладағы жерлес аға-апаларымыз туралы тыңғылықты мағлұматтар алынды. Ескінің көзі,тарихтың өзі дегендей, оқушылар өлке тарихына деген қызығушылықтарын танытып, жақсы әсерде саяхаттарын аяқтады.