С.Көшекбаев атындағы аудандық мәдениет үйі алдында күні кешелері ғана Азия чемпионатынан жеңімпаз болып оралған жерлесіміз Мансур Амантайды ұлықтау рәсімі өтті.
Аудан әкімі Абат Жанғалиев чемпион ұлан, оның жаттықтырушысына, ата-әжесіне, әке-шешесіне құттықтау тілегін білдірді. Сондай-ақ, аудан жұртшылығы атынан тұлпар мінгізді. Мансурды бокс үйірмесіне қолынан жетектеп әкеліп, жекпе жектің әліппесіне үйреткен бапкері Тұрарбек Уахитовқа 100 мың теңгелік сертификат табыстады.
Аудандық балалар-жасөспірімдер спорт мектебінің басшысы Әдебиет Ердешовке Балғын боксшылар жаттығатын зал үшін бокс қапшығын тарту етті.
