№165 сайлау учаскесі комиссиясы мүшелері денсаулығына байланысты сайлау учаскесіне келе алмайтын ардагерлердің үйін аралады.
Саналы ғұмырында сайлаудан шет қалып көрмеген "Құрманғазы ауданының Құрметті азаматы" - Өтеулі Хасанов биыл үйінде дауыс беруге мәжбүр. Ауыл шаруашылығы саласында ұзақ жылдар қызмет атқарған ол бұл күнді әрбір тұрғынға ел болашағын айқындауға берілген мүмкіндік деп санайды. Өз таңдауын жасаған ардагер: «Басымызға бұйырған ең үлкен бақ - Тәуелсіздікті баршамыз бағалай білуіміз керек. Оның тұғырының биік болуын аңсайтын әрбір азамат сайлауға енжар қарамағаны абзал. Мемлекетіміз қарқынды өркендеп жатқан қадамы мен саясатынан жаңылмай, одан ары қарай дами берсе деген ойдамын. Жұртымызға амандық, әр отбасына береке-бірлік тілеймін»,-деп ақ батасын берді.
Еркеназ Қалижан