Аудан әкімдігінің кіші мәжіліс залында аудандық қоғамдық кеңестің жаңа құрамының алғашқы отырысы өтті.
Оны жүргізген аудандық мәслихат төрағасы Гүлжанат Қалиева 2022 жылдың 31 наурызы күні өкілді органның шешімімен 3 жыл мерзімге сайланған Құрманғазы аудандық қоғамдық кеңестің құрамы бекітіліп, Талғат Жаудин бастаған кеңес мүшелері тиісті деңгейде қызметін атқарғанын тілге тиек етіп, өкілеттік мерзімнің аяқталуына орай қоғамдық кеңесті қалыптастыру жөніндегі жұмысшы топтың хаттамалық қаулысына сәйкес 17 наурызда аудандық мәслихат төрағасының өкімімен жаңа қоғамдық кеңес мүшелері бекітілгенін жеткізді. Аудан әкімі Абат Сайфоллаұлы өз жұмысына жауапкершілікпен қарап, қызметін абыройлы атқарған Талғат Хамитұлына ризашылығын білдіріп, алғыс хатын ұсынды.
Келесі кезекте аудандық қоғамдық кеңесті қалыптастыру жөніндегі жұмыс тобының басшысы Берік Анесов атқарған жұмыстарынан хабаралама жасады. Жаңа құрамдағы азаматтық қоғам өкілдерінен 9, мемлекеттік органдардан 4 адамға кеңес мүшесінің мәртебесін куәландыратын құжат табысталды. Кеңес мүшесі Таңатар Дәрелов төрағалыққа Сабыржан Қыдырсихұлының кандидатурасын ұсынып, оны басқалары бірауыздан қолдады.
Алғашқы отырыста қоғамдық кеңес төрағасы Сабыржан Сұлтанов комитеттер құрамдары мен төралқа мүшелерін сайлады. Кеңестің ережесімен және 2025 жылға арналған жұмыс жоспарымен танысты.
Айнагүл Шакупова
