Ел ертеңі айқындалар сәтте одан хиуаздық батыр аналар да тыс қалмады.
№180 сайлау учаскесінің комиссия мүшелері әкелген жәшіктерге көп балалы, бүгінде алды сексеннің сеңгіріне шыққан, соңы соның шетіне тақаған ақ жаулықты абзал аналар Қапият Елекешова, Жәннат Күзембаева, Рскал Қартабаева, Айдана Қалиева, Мағауия Жұмағазиева, Мақпал Сатыбалдиева, Күлпара Қарымсақова сайлау бюллетендерін өз қолдарымен салып, ризашылықтарын білдірді. Олар кезінде ұрпақ өсірумен қатар кеңшарда есепші, тәрбиеші, құрылысшы және басқа да қызметтерде болып еселі еңбек еткен. Араларында тыл ардагерлері мен мүгедектер де бар.
